Mateo 9:29 - Tagbanwa Calamian

²⁹ Atii, diritsyu rang pinandeenan ni Jesus yang mga mata nirang inaning, “Magkamaninganamu ra ang kumpurmi ra ilem tung nag̱apananged mi tung yeen,” mag̱aning.

Mateo 9:29 Referans Kwoze

Mateo 15:28

Mag̱aning ka ti Jesus ang minles, “Ay ipag, talagang durug dakul pala yang pagtalig mung atia tung yeen. Magkamaningana ra tung nag̱alelyag̱an mung atia,” mag̱aning. Numanyan tung uras kang lag̱ing atii nagmaayen da ka man yang ana nang baw̱ay.

Marcos 10:52

Mag̱aning ka ti Jesus ang nagtimales, “Ala, mulika ra. Natetenged itinalig mu ra tung yeen yang sadili mu, naulikan da tia.” Atii lag̱i-lag̱ing naita si ka man ig nagpakignunut da dayun tung ni Jesus.

Mateo 9:22

Numanyan tung pagdeen yang baw̱ay tung aw̱el na, dayun dang nagbira ti Jesus ang naita tung anya. Pagkaita na, dayun na rang binugnu ang inaning, “Ipag, indi mu ra ilem papagdua-duaen yang isip mu. Nagmaayena ra tung pag̱alaru mung atia ay natetenged itinalig mu ra kang lag̱i tung yeen,” mag̱aning. Purisu mag̱impisa tung uras ang atii, nagmaayen da ka man.

Mateo 8:13

Pagkatapus dayun na sing inaning yang kapitan ang, “Puidia ra kang mulik. Magkamaningan da ka man yang kumpurming itinalig mu tung yeen,” ag̱aaning. Pagkatapus tung uras ang atii, nagmaayen da ka man yang turuw̱ulun yang kapitan.

Mateo 20:34

Atii ya ra ngaildaw ti Jesus ang nagdeen tung mga mata nira. Pagkadeen na, atiang lag̱i nangaita si ka man. Pagkatapus dayun da kang namagpakignunut tung anya.

Mateo 9:28

Piru ti Jesus tanya, indi ra nagliing-liing, kung indi, nagpadayun da ilem tung pagparanawen na ang asta kuminaw̱ut da duun tung balay ang pag̱atiniran na. Pagkaw̱ut na, dayun dang nagpakled pati yang durua nga burayan, namagpakled da kang namagpalenget tung anya. Numanyan dayun na rang tinalimaan ang mag̱aning, “Panangeramu ka ang kayananung buaten yang nag̱aingaluk ming atia tung yeen?” Mag̱aning tanirang namansituw̱al, “Ee, Ameey, talagang panangerami!”