Mateo 8:15 - Tagbanwa Calamian

¹⁵ Numanyan pagdeen ni Jesus tung kalima na, lag̱i-lag̱ing naumpawan yang maepet. Pagkatapus diritsyu rang nagbangun ang nag̱impisa rang nag̱asikasu tung anya.

Mateo 8:15 Referans Kwoze

Lucas 8:54

Piru ti Jesus tanya, anday dumang binuat na, pinalengtan na yang mulang pinggesan tung kalima na ang pagkatapus pinadakul na yang busis na ang mag̱aning, “Nini, magbungkarasa ra!” ag̱aaning.

Marcos 1:41

Pagkagngel ni Jesus tia, ya ra ngaildaw. Dayun na rang dineenan ang inaning, “Ag̱alelyag̱aw ka, kuatana ra yeen,” ag̱aaning.

Mateo 20:34

Atii ya ra ngaildaw ti Jesus ang nagdeen tung mga mata nira. Pagkadeen na, atiang lag̱i nangaita si ka man. Pagkatapus dayun da kang namagpakignunut tung anya.

Mateo 14:36

Numanyan namagpakiildaw ra tung anya ang kung maimu ilem ang maskin ya ra ilem yang mga mabiw̱ilug-bilug ang yag tataked tung sidsiren yang aw̱el nang langkuy ang ya ray madeenan yang mga aruman nirang may mga laru. Ang pagkatapus kumpurming tinu pay nagdeen, ya ray nagmaayen tung pag̱alaru na.

Mateo 9:29

Atii, diritsyu rang pinandeenan ni Jesus yang mga mata nirang inaning, “Magkamaninganamu ra ang kumpurmi ra ilem tung nag̱apananged mi tung yeen,” mag̱aning.

Mateo 9:20

Numanyan atiing pagnurunutanami ra na Jesus, may sasang baw̱ay ang ya ra ilem agsisikup tung buku ni Jesus ang nagdeen tung sam bilug ang mabilug-bilug ang atiang yag tataked tung sidsiren yang aw̱el nang langkuy. Yang baw̱ay ang naa, tung seled sam puluk may durua rang takun, muya-muya ra ilem ang nag̱aawasan.

Mateo 8:3

Numanyan, dayun dang dineenan ni Jesus ang inaning, “Ag̱alelyag̱aw ka, kuatana ra yeen,” mag̱aning. Pagkatapus lag̱i-lag̱ing nakuatan da ka man tung dipirinsia nang atia.

Mateo 8:14

Taa numanyan, pagkaw̱ut ni Jesus duun tung balay ni Pedro, ya ray naita na yang punyangan nang baw̱ay ang ya ra ilem aglalakday asan. Ay agkiniten da.

Mateo 8:16

Numanyan, atiing pagkasantek da yang kaldaw, durung mga taung agdimunyuen ang ipinampadangep da yang mga aruman nira tung ni Jesus. Numanyan sam pabitala ra ilem ni Jesus, antimanung namaglalayasan da yang mga dimunyu. Pati yang mga taung may mga laru, luw̱us na ra kang pinampamaayen tung uras ang atii.

Marcos 1:29

Taa numanyan, dayun dang nansilua na Jesus tung pagsaragpunan ang atia ang nansiangay duun tung balay ni Simon durua ni Andres, kasiraan da ka tanira ni Santiago durua ni Juan.