Mateo 28:12 - Tagbanwa Calamian12-13 Numanyan dayun dang namagsaragpun tanira yang mga pamagpakigmaepet ang namagparaig̱u. Pagkatapus ta pagparaig̱u nira, dayun dang namagpakdul ta bastanting kuarta tung mga sundalung atia ang nunut da ka ta paetad tung nira ang mag̱aning, “Kung tinu pay manginsapu tung numyu, yamu ra ilem ag̱aaning ang yang tinanguni na tinakaw ra ta law̱ii yang mga taung pinangugyatan na ang ya ray nangasubli tung elek mi. Gade chapit la |
Kapurisu, tung uras ang atii, yang mga Pariseo, asta yang mga paring arabubwat, namagpasagpun da tung tanan ang mga usgadung pinakalandaw tung banwa ang paggug̱uuyan nirang Sanedrin. Namagkeresen da tanira ang mag̱aning, “Ta, ya ra ilem ag̱ari kaya taa yang buaten ta? Ay yang taung atia, kadakel da ka man yang mga pruibang nagkarabuat-buat na!
Taa simanyan mintras pamansiangay ra yang mga baw̱ay ang atia duun tung mga tauan ni Jesus, yang dumang mga sundalung naang pinapagbantay tung pinanlug̱uran tung ni Jesus, ya ray nansibalik tung siudad ang namag̱ugtulun da tung mga paring atiang arabubwat ta katengdanan natetenged tung tanan ang nagkarainabu.