Mateo 25:43 - Tagbanwa Calamian

⁴³ Atiing anda ray naistaranu, indiaw ka pinadayun mi tung mga balay mi. Atiing naalang-alangaw ra ta pag̱araw̱elenu, indiaw ra ka pinakdulan mi ta aw̱elu. Atiing paglaruu, ubin atiing pag̱akalabusu, indiaw ka binisitaan ming pinaiwan-iwanan,’ maningaw.

Mateo 25:43 Referans Kwoze

Mateo 25:36

Atiing alang-alang da yang pag̱araw̱elenu, pinakdulanaw ka numyu ta aw̱elu. Atiing paglaruu, inasikasuaw ka numyu. Atiing pagkakalabusu, binisitaanaw ka numyung pinaiwan-iwanan,’ maningaw tung nira.

Mateo 25:42

Kipurki atiing pagkasuw̱uku, indiaw pinapaan mi. Atiing pagkakanalu, indiaw ra ka pinainem mi ta wai.

Mateo 25:44

Pagkatapus ya mamanalimaan tung yeen ang mag̱aning, ‘Abee, Ginuu, sanua pa ngaita yamen ang nasuw̱uka ubin kinanala ubin anday ray nadayunan mung balay, ubin naalang-alanga ra ta pag̱aw̱el mu ubin naglarua ubin nakalabusa ang india ra ka tinabnuy yamen?’ ag̱aaning.

Mga Binuat-buatan 15:36

Atiing nangabuay ra duun, mag̱aning ti Pablo tung ni Bernabe, “Pamalikan ta ra kanay ang pamisitaan yang mga kaputulan ta duun tung kada lansangan ang atiing pinagpakaw̱utan ta yang bitala yang Dios natetenged tung ni Ginuung Jesus kung maun da yang pagpadayun nira tung pagtaralig̱en nira tung anya,” mag̱aning.

Mga Hebreo 13:2

Indi ta ka pagpaw̱aya-w̱ayaan yang pag̱arasikasuen ta tung mga putul tang nag̱apanaw tung yaten, maskin indi ta pa nag̱ailala. Kipurki atiing tukaw pa may duma ang nag̱asikasu tung mga taung napanaw tung nira ang anday kaliw̱utan nira ang atii pala mga angil.

Mga Hebreo 13:3

Dispuis intindien ta ka ta maayen yang mga kaministiran yang mga aruman tang nag̱akalabus asan arangan da ilem tung pagtaralig̱en nira tung ni Jesus. Pasunairan ta tanira ang katimbang nang itay aruman ka nira duun. Pati yang mga aruman tang nag̱adereeg-deeg̱an asan, pasunairan ta ka ang katimbang nang kasiraanita ra kang nag̱adereeg-deeg̱an.