Mateo 20:3 - Tagbanwa Calamian

³ Numanyan atiing pag̱alas nuibi rang timpranu, nagbalik si duun tung palingki. May mga taung naita nang pamagkererengan da ka ilem asan ang pamag̱istambay.

Mateo 20:3 Referans Kwoze

1 Timoteo 5:13

Yadwa pa, pag nalista ra ngani, muya magkaanad-anad da tung pagpatamad. Imbis magprusigir tung panirbian nira tung ni Ginuu ta, gastaen da ka ilem nira yang uras nira ta masyadung pamasyar-pasyar nira tung mga kabalayan. Belag̱an da ilem maning tia, kung indi, maglua ra kang daldalira pa, mapinagpalaw̱et pa tung anday kalalabten nira ig mainisturiaen pa tung belag dang bag̱ay ang sarambiten.

Mga Binuat-buatan 2:15

Yami tani, belag̱anaming mga baleng ang katulad ka tung pag̱alaum yang duma. Ay baklu pa ka ilem pag̱alas nuibing timpranu.

Marcos 15:25

Yang uras ang ipinaglansang nira tung anya mga alas nuibing timpranu.

Mga Hebreo 6:12

Ya ray buaten mi ug̱ud indi ra manluw̱ay yang mga isip ming kumiput, kung indi, magsug̱utamu ra tung kumpurming may pagtalig nirang bug̱us tung Dios ang anday katakaan nirang nag̱elat tung anyang magkereng tung pinangakuan na tung nira ang asta rinisibi ra ka enged nira.

Mateo 20:2

Namag̱iritsuan da tanira ang yang suul nira kumpurmi yang kinaldaw ang kadagmitan ang nag̱isuul tung mga tau tung lugar ang atii. Pagkatapus pinanuw̱ul na rang mamag̱ubra ra duun tung kaluakan na.

Mateo 20:4

Purisu dayun na rang pinag̱aning ang, ‘Ala, pati yamu ag̱aw̱angenamu ra ka yeen ang mag̱ubra duun tung kaluakanu. Suulanamu ka yeen ta magkatama.’

Mga Binuat-buatan 16:19

Numanyan pagkasiman yang mga ag̱alen yang baw̱ay ang atia ang anda ray maeklan nira tung anyang pakinaw̱ang, dayun da nirang dineep ti Pablo, durua ni Silas. Linag̱unut da ilem nira duun tung plasa tung katalungaan yang may mga katengdanan.