Mateo 14:8 - Tagbanwa Calamian

⁸ Numanyan kumus pinaetaran da ni nanay na kung unu pay ingalukun na, dayun dang nagbitala yang darala ang mag̱aning, “Maginuung Adi, pakdulay kanay yang kulu ni Juan ang manigbenyag. Taa ra ilem ipabtangay tung basyada,” ag̱aaning.

Mateo 14:8 Referans Kwoze

Marcos 6:24

Numanyan dayun dang luminua yang daralang nagtalimaan tung ni nanay nang mag̱aning, “Nanay, unu pay ingalukunu tung Adi?” Mag̱aning ti nanay nang nagtuw̱al, “Yang kulu ni Juan ang manigbenyag, ya ray ingalukun mu,” mag̱aning.

Mateo 14:9

Pagkagngel yang Adi tia, pinungaw ra yang isip na. Piru kumus pinanumpaan na yang pangaku na tung katalungaan yang mga imbitasyun na, anday dumang binuat na, nagkalalangan da ilem ang ipakdul da tung darala yang iningaluk na.

Mateo 14:11

Pagkatapus ta pagpug̱us, yang kulu na ingkelan da duun tung daralang ipinakdul ang yag bebtang tung basyada. Pagkatapus ingkelan da yang darala tung ni nanay na.

Marcos 6:25

Atii, kali-kaling nagbalik tung Ading nag̱ingaluk tung anyang mag̱aning, “Maginuung Adi, gustuu rin ang ipakdul mu rang lag̱i tung yeen numaan yang kulu ni Juan ang manigbenyag. Ipabtang da ilem tung basyada,” mag̱aning.

Marcos 6:28

Pagkapug̱us na yang kulu na, dayun na rang ingkelan duun tung daralang ipinakdul ang yag bebtang tung basyada. Pagkatapus dayun dang ingkelan yang daralang inintriga tung ni nanay na.