Mateo 12:16 - Tagbanwa Calamian

¹⁶ Tung pagpamaayen na tung nira, dayun na rang pinaglalangan ang indi enged mamagbaw̱alitaen ang natetenged tung anya.

Mateo 12:16 Referans Kwoze

Mateo 17:9

Numanyan atiing pamandanek da tanira tung bukid, pinag̱urdinan da tanira ni Jesus ta mupia ang pinag̱aning, “Indiamu ra kanay magbaw̱alitaen maskin tung ninu pa natetenged tung ipinagpaitang atia tung numyu ang asta kaw̱utun da ilem yang uras ang yuung pag̱aningen ang Maninga Tau pabungkarasenaw ra yang Dios,” mag̱aning.

Mateo 9:30

Pagkatapus nangabuskad da ka man yang mga mata nira. Numanyan nagpaaman da ti Jesus tung nira ta malebat-lebat ang mag̱aning, “Kuidaw, indiamu ra enged magbaw̱alitaen maskin tung ninu pa,” mag̱aning.

Mateo 8:4

Numanyan nagkalalangan da ti Jesus tung anyang mag̱aning, “Kuidaw, india ra enged magbaw̱alitaen maskin tung ninu pa natetenged tung binuatung naa tung nuyu. Anday dumang buaten mu, mag̱angaya ra kanay duun tung sasang pari ang magpateleng ang yawa limpiu ra. Pagkatapus magpadasag̱a ra ka dayun tung anya ta sasang ayep ang iprisintar na tung Dios ang katulad ka tung urdinansang ibinutwan ni Moises ang tukaw ug̱ud asan da nga kumpurmiay yang mga tau ang anda ray dapat ang pamiruan nira tung nuyu,” mag̱aning.

Marcos 7:36

Pagkatapus dayun dang nagkalalangan ti Jesus tung nirang tanan ang nangaita ang indi enged mamagbaw̱alitaen maskin tung ninu pa. Piru kung ay pa tiing linalangan na ta mupia, asan da kang namagbaw̱alitaen ang mas pa.

Mateo 12:17

Tung maning tiang pasais na tung nira, nagkamatuud da yang sasang ipinaula yang Dios tung ni Isaias ang manigpalatay ang tukaw ang mag̱aning,

Marcos 3:7

Taa numanyan nagpalikay ra ti Jesus ang minangay duun tung bakayan yang aw̱uyuk, kasiraan da ka tanira yang mga taung nag̱apangugyatan na. Buntun ang pisan yang mga taung namagpakignunut tung anya. May mga tag̱a Galilea, may mga tag̱a Judea, may mga tag̱a Jerusalem, may mga tag̱a Idumea, may mga tag̱a duw̱ali yang subang atiang pag̱aningen ang Jordan, may mga taung duun mamansiliit tung kakunayungan yang siudad yang Tiro may Sidon. Yang inangay yang mga taung atiang durug damel tung anya, nagkarabalitaan da natetenged tung nagkarabuat na.