Mateo 11:30 - Tagbanwa Calamian

³⁰ Ay kipurki yang nag̱ipatumanu tung numyu, malpes ilem ang pauyunan mi ig malakan ka ilem ang usuyun mi,” mag̱aning duun ti Jesus.

Mateo 11:30 Referans Kwoze

1 Juan 5:3

Ay kipurki ya taa yang kamtangan yang paggeregmaen ta tung Dios ang ita pagtuman yang nag̱ipanuw̱ul na tung yaten. Dispuis belag̱an masyadug liwag ang tumanen ta tia.

Juan 16:33

Yang tanan ang atia ipinagpakdeku ra tung numyu ug̱ud may kalimengan yang mga isip mi ekel tung pagkinapulitay ta. Ay tung kaliw̱utan ang naa, siguradung mapasaranamu ra ta mga kaliwag̱an. Piru maski maning tia, paktelen mi ra yang mga isip mi, sipurki ta yeen, nandeeg̱aw ra tung sistima na.”

Filipos 4:13

Maskin unu pay mapanawanu kayananung talungaen tung matinlung kinaisipan natetenged ilem tung ni Jesu-Cristong pagpaktel tung yeen.

Galacia 5:1

Ang para indiita ra dapat ang magpasuitu tung mga katuw̱ulan ang ibinutwan ni Moises, demdemen ta ang ipinalibriita ra ni Jesu-Cristo. Purisu indiamu ra enged magpauyun tung maling nag̱itulduk yang duma ang dapatamu ra unung pabuatan ta tanda tung mga tinanguni mi. Indiamu ra enged magpakirepen sing magpasuitu tung sistimang atia ang magkapariu ka ilem ta sistima yang dating natauan mi.

Galacia 5:18

Dispuis pa, basta pagpaguyuramu tung Espiritu Santo, anda ray ministir ang magpasuituamu pa tung mga katuw̱ulan ang para asan da rin nga suspindiay mi yang mga kalelyag̱an ming dati.

Mga Binuat-buatan 15:10

Kapurisu ayw̱at simanyan, gustu mi pa ka enged ang tag̱aman mi yang Dios ta pagtuung kung sumalapuamu tung anya u kung indi? Ay maning da tiang gustu ming pasaknen yang mga tumatalig ang atia ta sasang durug lebat ang indi nganing kinayanan yang mga kinaampu ta ta sakan, maskin nganing ita pa, indi ta ka nag̱akayanan!

2 Corinto 4:17

Yang indi ra enged ipagpaluw̱ayu ay nag̱akdekanu ra ang yang mga kaliwag̱an ang naang nag̱apasaranu simanyan indi ra ilem buay magtataklib da ka ilem ig kung ikumpalar pa tung kantidad ang malg̱uran ta tung uri, inding pisan tumimbang. Ay yang kabaliskad na tung uri ya ra yang pagkadamay ta tung kasusulawen mismu yang Dios ang yang kantidad na durung pisan agkatimbang ang anda enged ang pisan ay katapus-tapusan na.

Mga Binuat-buatan 15:28

Yaming nagparaig̱u tani pinasanag̱anami ra yang Espiritu Santo ang maayen pang indiamu ra ilem palbatan yamen ta masyadu, kung indi, ya ra ilem taa ay kaministiran ming likayan. Indiamu ra magpakipangan ta palanganen ang isinag̱ud tung mga bultu. Indiamu ra ka mamangan ta dug̱u ubin karni ta ayep ang indi ra pinatiktikan yang dug̱u na. Indiamu ra ka magpalangaas ang mangumbaw̱ay ubin mangunlalii. Purisu kung ya ray likayan mi yang mga bag̱ay ang atia, magkatama yang mga buat-buat mi ang indiamu ra ka malawayan ta duma. Ya ra ilem tia ay sarang ang maaning yamen tung numyu.”

Mateo 12:1

Numanyan may mininsa ang ti Jesus napanaw ra tung dalan ang naknga tung katriguan, kasiraanami ra kang nag̱apangugyatan na. Natuun tung kaldaw ang nag̱ipamaenay tang mga Judio tung mga pag̱urubraen. Kumus yami nag̱aampayanami ra ta suw̱uk, anday dumang binuat yamen, yang pagparanawen yamen ya ra kay pag̱aplut-aplut yamen yang mga kaluay yang trigu ang pagkatapus pag̱akerekese yamen ang pag̱adekem yang mga beyed na.