Marcos 13:5 - Tagbanwa Calamian

⁵ Atii, dayun dang nag̱impisa ti Jesus ang nagpamadbad tung mga isip nirang mag̱aning, “Mangamanamu ta mupia ang para indiamu madayaan ta dumang mapatalang.

Marcos 13:5 Referans Kwoze

Colosas 2:8

Mangamanamu ra enged ta mupia nusias maeklanamu ra ta dumang papanangeren tung dumang pag̱irintindien tung Dios ang belag kang lag̱i tama ig anday kaayenan na. Ay kipurki yang nag̱itulduk nirang atia, duun da ilem ngaeklay nira tung bitalang nag̱ipagngel yang mga mamaepet nira. Yang nag̱adapatan na natetenged ka ilem tung mga riglamintung natauan nirang pangkaliw̱utanen ka ilem ang indi pagkatunu tung kamatuuran ang nag̱itulduk natetenged tung ni Jesu-Cristo.

Efeso 5:6

Ta yamu, indiamu ra enged magpadaya tung duma ang durug katatalig yang pangatadlengan nira ang yang mga ubra-ubrang atia, gesye ilem ang bag̱ay. Bukli ra ilem tia, ay kipurki yang pisan ay ipagsintinsia yang Dios tung kalainan ang anday katapus-tapusan na tung mga taung kumpurming pagpasuag tung kalelyag̱an na.

1 Juan 4:1

Mga putulung nag̱amaalu ta duru, indiamu ra magpakali-kaling mananged tung maskin unu pay nag̱itulduk natetenged tung Dios, kung indi, pasadsaran mi ra kanay ta maayen ug̱ud madeep mi kung matuud ang liit tung Dios u kung belag. Ag̱aningenamu ra yeen ta maning tia ay natetenged duru rang namagluang mga manigtulduk ta kabuklian ang pamag̱ambu ang tanira unu mga manigpalatay yang bitala yang Dios buat.

2 Tesalonica 2:3

Indiamu enged magpadaya maskin tung ninu pa. Ay kipurki baklu ra kaw̱utay yang uras ang atia, kung nainabu ra yang pagparasuag̱en yang dakeleng mga tau tung Dios ang belag dang patinumas ang ya ra kay uras ang ipaglua yang sasang taung mapuirsang magpakigbatuk tung Dios ang yang mga katuw̱ulan na, baliwalaen na ra ilem. Piru tung kauri-urian da, anday dumang panampetan yang taung atia, kung indi, kalainan ang anda enged ang pisan ay katapus-tapusan na.

1 Corinto 15:33

Ustu ra tiang pagpadaya mi tung belag̱an matuud. Pamaridengdengan mi ta mupia yang sasang bitala ta mga mamaepet ang kung magpakigbarkadaita unu tung mga taung mga malain, pati ita unung matinlu ka rin ta ug̱ali, asanita ra ka unu nga saliray ta malain ang kinaisipan.

Lucas 21:8

Ag̱aaning ti Jesus ang nagtimales, “Mangamanamu ta mupia ang para indiamu madayaan ta dumang mapatalang. Kipurki durung maglua ang mag̱ambu ang tanya unu ya ray yuung pag̱aningen ang Cristo. Aningenamu ka anya ang kinaw̱ut da unu yang uras ang ipagpalua na unu yang paggaraemen na. Piru ta numyu indiamu enged magpaekel ta kulu ming magpanunut tung mga taung mga maning tia.

Marcos 13:6

Ay kipurki durung magluang mag̱ambu ang tanya unu ya ra yuung pag̱aningen ang Cristo ang pagkatapus durung taung magkaradayaan nira.