Marcos 1:40 - Tagbanwa Calamian

⁴⁰ Taa numanyan, may sasang taung nagpalenget da tung anya ang may dispirinsia tung ulit nang makamamansa. Dayun dang nagluud tung pinagtalungaan nirang durua ang nagpakiildaw tung anyang mag̱aning, “Ameey, kung malelyag̱a ilem, nag̱askeanung sarangan mung kuaten tung yeen yang dispirinsiaung naa ang yay pagpamansa tung pagkatauu,” ag̱aaning tanya.

Marcos 1:40 Referans Kwoze

Mateo 17:14

Taa numanyan pandanek da nira tung bukid, kinaw̱utan da nira yang mga taung buntun. Pagkatapus may sasang taung nagpalenget tung ni Jesus ang ya ra nga luud tung pinagtalungaan nirang durua.

Marcos 10:17

Taa numanyan, atiing magpanaw ra rin ti Jesus tung karsada, may sasang taung yag paglaksung pagpakigbag̱as tung anya. Pagkaw̱ut na, dayun dang nagluud tung katalungaan nang nagtalimaan tung anyang mag̱aning, “Ameey, nag̱askeanu ang yawa sasang maayen ang tau. Unu pa w̱asu ay dapat ang buatenu ug̱ud mapagpasapenaw tung Dios ang anday katapus-tapusan?”

Mga Binuat-buatan 7:60

Pagkatapus, dayun dang nagluud ang yang busis na ya ray padakulay nang mag̱aning, “Ginuu, indi mu ra idata tung nira yang kasalanan nirang naa,” mag̱aning. Pagkaaning na tia, baklu ra nadayunan. Numanyan ti Saulong naang pinapagbantay nira yang mga lambung nira, nagpauyun da ka tung disisiun nirang mangimatay tung ni Esteban.

Lucas 22:41

Pagkatapus, nagpaag̱es da kanay tung nira ang yang pinaalawiran na, kumpurmi yang kaw̱utun yang ketel yang sasang taung mamatu. Pagkaw̱ut na duun, dayun dang luminuud ang nag̱intra ra pag̱arampuen ang mag̱aning, “Amaw, kung uyun ilem tung kalelyag̱an mu, ipataklib mu ra ilem tung yeen yang lain ang naang nag̱atalungaw. Piru maskin pag̱ianingu tii, belag̱an yang yeen ang sadiling kalelyag̱an ay matuman, kung indi, yang nuyu,” ag̱aaning.

Mateo 11:5

Aningen mi ang yang mga buray pangaita ra, pati mga barik pangapanaw ra ka, pati mga taung may dispirinsia tung mga ulit nirang makabiw̱iru, nag̱apanguatan da ka ta pagkamansadu nira, pati mga bengel pangagngel da ka, pati mga patay nag̱apampabungkaras da ka. Asta yang mga taung kumpurming aminadu ra ang anda ray sarang ang mabuat nirang matinlu ang para risibien yang Dios, ya ra kay nag̱apampakaw̱utan ta Matinlung Balita kung ya pa ag̱aring mapalg̱uran da nira yang paggaraemen na.

Efeso 3:14

Kapurisu, natetenged tung binuat yang Dios ang atia ang pinapagsarasaamu ra ka man anya yang mga putul ming mga Judio, yuu ra nga luud tung katalungaan yang Ama tang Dios ang pag̱ampu para tung numyu.

Marcos 1:41

Pagkagngel ni Jesus tia, ya ra ngaildaw. Dayun na rang dineenan ang inaning, “Ag̱alelyag̱aw ka, kuatana ra yeen,” ag̱aaning.