Marcos 1:18 - Tagbanwa Calamian

¹⁸ Numanyan lag̱i-lag̱ing binutwanan da nira yang mga laman nirang namagpakignunut da tung ni Jesus.

Marcos 1:18 Referans Kwoze

Lucas 14:33

Kapurisu ya ra ka man tiang nag̱ipag̱aningu tung numyu, maskin tinu pa asan tung numyu ang indi manalyud tung tanan ang nag̱amaal na ang para yuuy ipalusu na ta gegma na, ay tia, indi pa ka enged puiding magpaugyat tung yeen,” mag̱aning.

Lucas 5:11

Taa numanyan, namamparanek da tung bakayan. Pagkasanglad, dayun da nirang binutwanan yang tanan ang mga bag̱ay ang para mamagpakignunut da tung ni Jesus.

Filipos 3:8

Belag ilem nuntukaw yang pagpabetangung anday kuinta yang mga bag̱ay ang atia, kung indi, ang asta ra ilem simanyan, maskin unu pa man ang bag̱ayay ang midyu pag̱atelengan ta duma may ruma ang maayen ang panalig̱an, luw̱us dang ag̱ipabtangung anday kuinta na natetenged landaw rang pisan yang kamamaalen yang pagkinapulitay yamen ang naa ni Jesu-Cristo ang yay sadiling Ginuuu. Arangan da ilem tung anya pinaw̱ayaanu ra ilem ta paplek yang tanan ang atiang minaalu ra rin. Ya ra ilem ag̱ipabtangayung basura ug̱ud ti Jesu-Cristo mismu ya ray pakigkapulitanu kag yadwa pa ug̱ud masadiliaw ra anyang pisan. Indiaw ra pagtalig ang puidiaung risibien yang Dios natetenged tung sadiling pag̱urubraenung pagtuman yang mga katuw̱ulan na, kung indi, bug̱us da yang pagtalig̱u tung ni Jesu-Cristo. Kipurki yang papanaw yang Dios ang mag̱usgad tung yaten ang saluita rang pisan tung pagterelengen na ay ekel ilem tung pagtalig ta tung ni Jesu-Cristo.

Mateo 4:20

Numanyan lag̱i-lag̱ing binutwanan da nira yang mga laman nira ang namagpakignunut tung anya.

Marcos 1:17

Mag̱aning ti Jesus tung nirang nagbugnu, “Magpakignunutamu ra tung yeen ang magpaugyat. Dati-rati yang mag̱eklan mi ian. Piru numanyan ugyatanamu ra yeen kung ya pa ag̱aring maeklan mi yang mga isip yang mga tau ang basi pa ra ilem ang magsuku ka tung yeen ug̱ud basi pa ra ilem magpaugyat da ka tung yeen,” ag̱aaning.

Marcos 1:19

Numanyan matukaw-tukaw tanira na Jesus ta gesye, naita na ti Santiago duruang mag̱ari ni Juan ang yay mga ana ni Zebedeo. Asan tanira tung balangay nirang pamag̱eet yang mga laman nira. Numanyan pagkaita ni Jesus tung nira, dayun na rang binteng ang mamagpakignunut da ka tung anyang para mag̱ing mga tauan na ka.