Lucas 9:46 - Tagbanwa Calamian

⁴⁶ Taa numanyan, yang mga tauan ni Jesus ang atia, namag̱intra ra baralalaan kung tinu pay pinakalandaw tung nira.

Lucas 9:46 Referans Kwoze

3 Juan 1:9

Tan taa pa napagpaekelaw ra ta sulat tung sam pundaan asan natetenged tung bag̱ay ang atia. Piru anday pinakaw̱ut na natetenged tung ni Diotrefes ang naang indi kang lag̱i pag̱ilala tung katengdanan yamen. Ay ya pa ag̱ari, yang pag̱asikad na ang tanya ilem ay tingaraen ang pagmangulu tung sam pundaan.

Filipos 2:3

Yang gustuung ianing, mag̱amlig̱amu ta mupia ang andang pisan ay buaten mi ang para mapagpalandawamu ubin mapagpabug̱alamu. Kung indi, magpararanekanamu ang yang pagpabetang mi tung mga kaarumanan mi ang tanira mas pang magkabag̱ay ang mapadengeg̱an kay tung numyu.

Filipos 2:14

Purisu maskin unu pang bag̱ayay, indi mi eklan tung pagburutung-butungun, indi mi ka eklan tung pagbaralalaan, ug̱ud anday mapadatelan ta dumang magsaway tung numyu, kung indi, asan tung mga ug̱ali ming limpiu ngaintindiay nira ang yamu talagang mga anaamu ra ka man yang Dios ang matuud. Maskin makiklep yang mga ubra-ubra yang mga masigkatau ming kadaklan natetenged ka man tung pag̱irisipen nirang baliskad, kaministiran ta yamu magpakbungamu tung mga dumakel ang sigi-sigi yang pagsiringgat-singgatan nira tung makiklep.

Roma 12:10

Kaministiran ka ang yang paggeregmaan tang mga tumatalig sasa may sasa asan da ipatupuay ta tung paggeregmaan ang lutuk yang magpurutul ang sereked tung tian. Magturukawanita rang magdarayawan.

Roma 12:3

Natetenged tung pagkaapustulung naang ipinagpiar yang Dios tung yeen ang yuu ra kag paktelay nang pag̱erekelen, may gustuung ianing tung yaten dang tanan. Sasa may sasa tung yaten kaministiran ang indiita enged magpabetang tung mga sadili ta ang subra pa tung magkatama, kung indi, tung katamtaman ilem ipabtangay ta. Asan da ipausuyay ta yang pagpabetang ta tung kumpurming unu pay nag̱akayanan tang ubraen ang ya ra kay ipinaeyang yang Dios tung yaten sasa may sasa atiing primirung pagtalig ta tung ni Jesu-Cristo.