Lucas 7:45 - Tagbanwa Calamian

⁴⁵ Pagpakleru taa, indiaw ra ka inistimar mung inara-araan ag̱ad imbitasiunaw nuyu. Piru tanya, yuu ilem ngakled, anday katadeng-tadengan yang pag̱iristimaren na tung yeen ang basin kakayu ra ilem, ya ray pirming nag̱ara-araan na.

Lucas 7:45 Referans Kwoze

Roma 16:16

Pati yamung tanan asan, kada magsaragpunamu ra nganing tung numyu-numyung grupu, magsarapetanamu ka tung matinlung pasais ang mauyunan yang Dios ug̱ud asan da nga bistu kung unu pag katedek yang paggeregmaan ming magpurutul. Asta yang tanan ang mga tumatalig tung ampir tani ang kada sam pundaan ang ti Jesu-Cristo ay may anya tung nirang tanan, pamagpakikumusta ka tung numyu asan.

1 Tesalonica 5:26

Dispuis pa, kada magsaragpunamung sam pundaan, magsarapetanamu ka ta matinlu ug̱ud asan da nga bistuay yang pagpurutulan mi ang talagang liit ka man ang matuud tung Dios.

1 Corinto 16:20

Asta yang kadaklan ang mga kaputulan ta tani tung Efeso, pamagpakikumusta ka asan tung numyu. Pati yamu asan, kada magsaragpunamu, magsarapetanamu ka ta matinlu bilang magpurutulamu tung ni Ginuu ta.

Mateo 26:48

Atii pala, yang pagtraidur ang naa, may sasang sinyas ang ipinaske na rang lag̱i tung mga kaarumanan na ang mag̱aning, “Kung kumaw̱utita ra nganing duun, yang taung ara-araanu, mag̱aningamu ya ra tia. Deepen mi rang lag̱i,” ag̱aaning.

Efeso 6:4

Pati yamung mga ginikanan, kapin da enged yamung mga tatay, indi mi lalangan yang mga ana mi ta belag dang sukat ang pagkalalangan ang muya ya ray makanayan ta ikaerep nira tung numyung ipagsungun. Kung indi, eklan mi tung matinlung pasais yang pagparadakulun mi tung nira. Isipen ming lag̱i ang kung alimbawa ti Ginuung Jesus din ay ginikanan nira, kung ya pa ag̱ari yang mga pasais nang manuldukan kag magdisiplina tung nira ang may kanunut na kang gegma.