Lucas 7:44 - Tagbanwa Calamian

⁴⁴ Numanyan diritsyu rang minalyed ti Jesus tung baw̱ay ang sigi kang pakigkesen na tung ni Simon ang mag̱aning, “Ta, Simon, telengan mu yang baw̱ay ang naa w̱a. Ta nungaynang pagpakleru taa tung balay mu, indiaw ra ka pinatuw̱ulan mu tung turuw̱ulun mung mangug̱as yang kakayu, ag̱ad yuu sasang imbitasiun mu. Piru yang baw̱ay ang naa, lumismu yang luuk na ya pay ipinangug̱as na tung kakayu, pati yang bua na, ya pay ipinagtrapu na.

Lucas 7:44 Referans Kwoze

Santiago 2:6

Pagkatapus yang numyung atia, yang mga maliliwag̱en ya rag lipi-lipiay ming pakaeyakay! Belag ba ang yang mga manggaranen yay pagpandeeg-deeg tung numyu kung kaisan? Belag bang kaisan tanira ka mismu ay paglag̱unut tung numyu duun tung katalungaan yang mga usgadu ang para idimandaamu ra nira?

Lucas 7:38

Numanyan pagpakled na tung balay, dayun dang nagpasagpi tung kakay ni Jesus ang yang mga luuk na duun da ka ilem nagkarapatak. Pagkatapus nag̱atarapuan na yang bua na ang nunut da ka ta pag̱ara-ara na tung kakay na ta muya-muya. Ang pakatapus binukbukan na yang paamut ang atiang durug maal.

Lucas 7:43

Ag̱aaning ka ti Simon ang minles, “Tung yeen ilem ang pag̱intindi, siguru yang pinatawad na ta dakulung kantidad.” Ag̱aaning ka ti Jesus ang minles, “Tama, ya ka man tia.”

Juan 13:5

Pagkatapus tia, dayun dang namukbuk ta wai tung palangganang nag̱impisang nagpangug̱as tung mga kakay yamen. Kada matapus na ta pangug̱as yang mga kakay yamen, dayun na ra kang tinarapuan yang tualyang atiang inulambet na.