Lucas 7:41 - Tagbanwa Calamian

⁴¹ Numanyan, dayun dang nagpakdul ti Jesus ta sasang pananglit ang mag̱aning, “May durua nga tauan ang nagkarautangan tung sasang taung manigpautang. Yang sam bilug may utang nang kinintus, yang sam bilug singkuinta.

Lucas 7:41 Referans Kwoze

Lucas 7:47

Kapurisu Simon, iugtulu tung nuyu, yang baw̱ay ang naa, yang paggegma nang naang durug kalutuk ang nag̱ipaita na, ya ray pagpailala tung pagkamatuud ang tanya napatawad da tung mga kasalanan nang duru. Piru yang tau man ang pinatawad ka ilem ta gesye, gesye ka ilem yang gegmang mapaita na,” ag̱aaning.

Roma 5:20

Kung natetenged tung mga katuw̱ulan ang atiing ipinadapat yang Dios atiing tukaw, belag̱an sintru tung planu nang magpalibri tung mga tau, kung indi, ipinasagpi na ra ilem asan ug̱ud duun da nga maladmaray nira kung ya pa ag̱arig kalelbat yang paglalampasen nira. Piru kung ay pa tiing nanginlelebat da yang paglalampasen nira, duun da ka ngaipaitaay yang Dios yang kaneeman nang andang pisan ay natengeran na tung nira ang yay mas pang may timbang na kay tung paglalampasen nira.

Mateo 18:28

“Taa numanyan pagkalua yang turuw̱ulun ang atia, may napanawan na rang sasang masigkaturuw̱ulun na ang may nautangan na ka tung anya ang indi nganing mangikuy-ikuy tung pinatawad yang Adi tung anya. Pagkaita na, dayun na rang pinggesan ang tinag̱aman na ra ta keg̱a ang mag̱aning, ‘Eey, yang utang mu, bayaran mu rang lag̱i numaan tung yeen,’ mag̱aning.

Mateo 6:12

Dispuis Ama, patawarayami ka tung mga kasalanan ang nagkarabuat yamen tung nuyu ang katulad ka tung yamen ang nagpatawarami ra ka tung mga kaarumanan yamen ang nagbuat ta kasalanan tung yamen.

Roma 3:23

Ay ya pa ag̱ari, tanira kang tanan parariung nagpakasalak tung anya ig parariu kang indi nasalapay tung katuyuan yang Dios para tung nira atiing pag̱imu na tung nira ang tanira ipagpadengeg da rin tung anya.

Lucas 11:4

Dispuis, patawarayami ka, tung mga kasalanan ang nagkarabuat yamen tung nuyu ay natetenged ta yami nag̱apatawad da ka yamen yang kumpurming pagbuat ta kasalanan tung yamen. Indiami ka ilug̱ut mu tung mga maliliwag ang sukda ang muya indi masarangan yamen.’ Tung maning tiang palaksu ipausuyay mi yang pag̱arampuen mi tung Dios,” mag̱aning.

Lucas 13:4

Pati yang sam puluk may walu nga tauan ang atiing naktangan yang laturi duun tung Siloe, muya maning si ka yang laum mi tung nira, ang kumus maning da tii yang kamatayen ang nalambeg̱an nira, purisu ya ray pruiba ang tanira mas pang naklew̱an ta kasalanan kay tung kadaklan ang mga kaarumanan nirang pamag̱istar ka duun tung Jerusalem.

Lucas 12:48

Piru yang sam bilug ang indi nakdek kung unu pay kalelyag̱an yang ag̱alen na, ang pagkatapus napagbuat ta kamali ang yay dapat ang masalapuan na ka ta paburdun, paburdunan ka, piru malakan-lakan pa tung ipinakdul tung sam bilug. Kung tinu pay piniaran yang Dios ta dakele, sagyapan na ka ta dakele. Kung tinu pay piniaran na ta mas dakele kay tung mga aruman na, dileman na ka ta mas dakele kay tung nira,” mag̱aning.

Marcos 6:37

Mag̱aning ti Jesus ang nagtimales, “Yamu ray magpapaan tung nira.” Mag̱aning ka tanirang namagtimales, “Abee, Ameey, yang gustu mung ianing basu, papanawenami pa nuyung papangalangen ta tinapay ang magbaluran ta duruang gatus ang para ya ray ipapaan yamen tung nira?”

Lucas 7:40

Atii, nagbugnu ra ti Jesus tung anyang mag̱aning, “Simon, kung maimu ilem, may sasang iksenu rin tung nuyu.” Ag̱aaning ka ti Simon ang nagtimales, “Ala, Ameey, magbitalaa ra ilem asan ug̱ud!”