Lucas 21:29 - Tagbanwa Calamian

²⁹ Numanyan dayun dang nagsugpat ti Jesus tung nira ang nagpagngel ta sasang pananglit ang mag̱aning, “Isipen mi ra kanay yang ayung igus ubin maskin unu pang ayuay.

Lucas 21:29 Referans Kwoze

Mateo 21:19

Duun tung binit yang karsada may naita nang sasang ayung pag̱aningen ang igus. Purisu ya ray pinalengtan na, piru naa pala andang pisan ay naita nang burak na, kung indi, purus ilem mga daun. Numanyan dayun na rang itinuluy tung malain yang ayung atiang inaning, “Maayen pa rin ang india ra ilem ang pisan mamurak ang uman!” Pagkatapus lag̱i-lag̱ing nanlumpayeng da ka man yang ayung atia.

Lucas 21:28

Purisu ta numyung mga tauanu, kung mag̱impisa ra nganing ang magkarainabu ra yang mga pruibang atiang nag̱ianingu, indiamu magpaluw̱ay, kung indi, magpakasadyaamung pagpakbat tung yeen, ay alenget da yang uras ang ipagpalibriu tung numyu,” mag̱aning.

Lucas 21:30

Kung maita mi ra nganing ang panguruk da, maskean mi ra ang makali rang kumaw̱ut yang tagkinit.