Lucas 2:28 - Tagbanwa Calamian

²⁸ Numanyan pagkaita ni Simeon yang mula, diritsyu rang dinawat nang sinapupu, ang pagkatapus nag̱intra ra dayaw tung Dios ang mag̱aning,

Lucas 2:28 Referans Kwoze

Lucas 1:64

Pagkasulat ni Zacarias tia, lag̱i-lag̱ing nabutayag da yang busis nang napagbitala. Yang primirung nainambit na, nag̱intra ra dayaw tung Dios.

Lucas 2:20

Numanyan, yang mga manigpastur ang atia, namagbalik da ka tung mga kaayepan nira. Durung pagdarayawen nira tung Dios natetenged tung tanan ang atiang nagkaragngel nira kag nagkaraita nira ang ya ray nagkatunung pisan tung pinag̱aning yang angil tung nira.

Lucas 1:68

“Itang mga nasyun ang Israel, dapatitang magdayaw tung ni Yawi ang yay Dios ang nag̱atuuan ta. Kipurki ta yaten ang mga tauan na, palengtanita ra anyang ipalibri.

Lucas 1:46

Mag̱aning ti Mariang nagbitala, “Agdayawenu ta mupia ti Yawi.

Marcos 10:16

Pagkatapus dayun na rang pinagsabak-sabak yang mga mamulang atiang pinampabisa.

Marcos 9:36

Numanyan, may sasang mulang ingkelan ni Jesus ang kinaw̱ed na tung pinagtaralungaan nirang tanan. Pagkatapus, dayun sing nagbitala tung nirang mag̱aning, “Kung tinu pay magparanek tung sadili nang magrisibi tung maskin tinu pa ang aranek ta pagkabetang ang pariu ka tung mulang naa natetenged tung pagtalig na tung yeen, katimbang nang yuu kay nag̱arisibi na. Ig kung tinu pay magrisibi tung yeen, belag da ilem yuuy nag̱asapet na, kung indi, pati yang nagtuw̱ul tung yeen, ya kay nag̱arisibi na,” mag̱aning.

Lucas 2:27

Naa pala tung uras dang atii, ti Simeon ang naa pinaisip da yang Espiritu Santo ang magpakled tung pagtuuan ang atiang pinakalusu. Atiing nabuay-w̱uay ra tung kakleran, asan da ka magpapakled yang ginikanan ni Jesus ang para mamagprisintar da yang ana nirang pangulu tung Dios ang katulad ka tung kinaug̱alian nirang mga Judio ang napabtang tung katuw̱ulan.

Lucas 2:29

“Numanyan Yawi, ta yeen ang sasang turuw̱ulun mu, maskin tugtanaw ra nuyung pablag da ay malimeng da yang isipu. Tutal kindengan mu ra yang pangaku mu tung yeen.