Lucas 1:47 - Tagbanwa Calamian

⁴⁷ Ag̱aampayanaw ra ta kasadyaanung duru natetenged tung anyang yay Mananapnayu.

Lucas 1:47 Referans Kwoze

1 Timoteo 2:3

Atia yay durug tinlung buaten ta ig ya kay nag̱auyunan yang Dios ang pagtapnay tung yaten ang mga tumatalig.

Tito 2:10

Dapat ka ang indi magkawkaw tung mga ibebtang yang mga ag̱alen nira, kung indi, dapat yang maita yang ag̱alen nira tung nira ang tanira talagang piadur ang pagkatau ang puiding matalig̱an nira maskin tung unu pang bag̱ayay. Yay dapat ang usuyun nira ay ug̱ud ekel tung tanan ang mga pag̱urubraen nira, asan da nga maladmaray yang mga tau ang yang nag̱itulduk ta natetenged tung pagtarapnayen yang Dios tung yaten ang mga tau, durug tinlu yang apiktar na tung pagpangabui yang kumpurming pananged.

Judas 1:25

Tanya yay ultimu ilem ang Dios ang ya ra kay nagtapnay tung yaten ekel tung pinagtalus ni Ginuu tang Jesu-Cristong nagpakugmatay. Teed mi yang pagkadios na, durung pisan agkasulaw yang pagkabetang na, may pagkaadi nang inding pisan mapasiring-siringan, yay makagag̱aem tung tanan ang maskin unu pa man ang bag̱ayay, kayanan nang ubraen. Maning kang lag̱i tia yang pagkadios na disti pa atii tung katebtew̱an, pati simanyan, ang asta ra ilem tung sampa ang anda enged ang pisan ay katapus-tapusan na. Talagang matuud ka man tia. Taa ra ilem tapusayu yang gustuung ianing, Judas

Tito 2:13

Dapat ang magkamaninganita ra ta maning tia ay natetenged yay sistimang magkabag̱ay ang pisan tung nag̱apakbat tang sasang ikasadya tang pisan tung uras ang ipagkaita ta yang kasusulawen yang Dios tang makagag̱aem ang ya ra ka man yang Mananapnay tang ti Jesu-Cristo mismu.

1 Timoteo 1:1

Yang may sulat tia, yuung ti Pablong nag̱ing sasang apustul ang pangerengan tung ni Jesu-Cristo natetenged tung kalalangan yang Dios ang pagtapnay tung yaten, durua ni Jesu-Cristo ang yay nag̱apakbat tang magpalua yang tanan ang nag̱aelatan ta.

Lucas 2:11

Kipurki numaan ang law̱ii, ipinangana ra yang manigpanapnay tung numyu ang ya ra yang pag̱aningen ang Cristong pinilik yang Dios ang maggaraemen tung numyu. Duun da ipinangana tung Betlehem ang ya kay pinanganaan ang tukaw tung ni Adi David ang kinaampu na.

Tito 1:3

Pagkatapus tung uras ang ipinagtipu na, ipinagpabunayag na ra yang bitala na ekel tung mga taung pinagpilik nang magparakaw̱utun ig tung yeen ipiniar na ra ka ang para ipagpakaw̱utu ka tung mga tau. Bilang yay kalalangan yang Dios mismu tung yeen ang tanya ka man yay masarang ang magtapnay tung yaten ang mga tau.