Juan 9:36 - Tagbanwa Calamian

³⁶ Mag̱aning yang taung minles, “Ameey, pakdekay ka kung tinu pa atiang nag̱ianing mu ug̱ud yay matalig̱anu.”

Juan 9:36 Referans Kwoze

Roma 10:14

Kung natetenged tung pag̱ambay yang mga masigkanasyunu tung ni Ginuung Jesus, muya may dumang mga tumatalig ang mga Judio asan ang may gustu nirang mangatadlengan ta maning taa: “Ya pa ag̱aring mapag̱ambay yang kadaklan ang mga masigka Judio ta tung ni Ginuung Jesus kung indi pa nganing nag̱aeyangan ta ipagtalig nira tung anya? Ig ya pa ag̱aring maeyangan ta ipagtalig nira tung anya kung indi pa nganing nag̱agngel nira yang balita natetenged tung anya? Ig ya pa ag̱aring magngel nira tia kung anda pa ka nganing ay pagparakaw̱utun tung nira?

Juan 1:38

Simanyan, pagbalyed ni Jesus, naita na ra tanirang pamagpakignunut da tung anya. Purisu tinalimaan na tanirang inaning, “Unu ray ministir mi?” Mag̱aning tanirang namagtimales, “Anda, Rabbi. Gustu ilem yamen ang makdekan kung aria pag pag̱istar.” (Tung bitala yamen ang mga Judio, yang puntus yang pangguuy nirang atiang Rabbi tung anya ay sasang manigtulduk.)

Mateo 11:3

Numanyan tung pagkaw̱ut nira, mag̱aning tung ni Jesus, “Minangayami ilem taa, ay gustu yamen ang magtalimaan tung nuyu kung yawa ka man yang pag̱aningen ang Cristong Mananapnay ang nag̱aelatan kang lag̱i yamen u kung may duma pang dapat ang elatan yamen?” mag̱aning.

Juan 9:37

Mag̱aning ti Jesus tung anya, “Ya rag dawalay mu. Yuu ra taang kakesen mu.”