Juan 4:19 - Tagbanwa Calamian

¹⁹ Mag̱aning yang baw̱ay, “Naa pala, Ameey, yawa sasang prupita!

Juan 4:19 Referans Kwoze

Juan 6:14

Simanyan, pagkaita yang mga tau yang pruibang atiang ipinalapus ni Jesus ang makabew̱ereng, namag̱araning-aningan da tanira ang mag̱aning, “Talagang ya ra ka man taa yang manigpalatay yang bitala yang Dios ang nag̱aelatan tang maglua tung kaliw̱utan,” mag̱aning.

Lucas 7:39

Numanyan naang Pariseong naang nag̱imbitar tung ni Jesus, pagkaita na tia, ya ray ipinagkesen-kesen na tung isip nang mag̱aning, “Yang taung naa, kung talagang matuud ang prupita, maskean na ra ka rin kung unu pang klasiay ta baw̱ay ang pagdeen tung anya ang teleb ta kasalanan.”

Juan 9:17

Purisu, dayun si nirang inusisang uman yang taung atiang buday pa rin ang mag̱aning, “Yawa, ay atiing binuskad na ra yang mata mu, unu pay pagpabetang mu tung anya?” Mag̱aning tanyang minles, “Tanya sasang pag̱atuw̱ul yang Dios ang magpalatay yang bitala na,” mag̱aning.

Lucas 7:16

Purisu numanyan yang mga taung atiang nangaita, luw̱us dang nangaimakluan da yang pagterelengen nira tung ni Jesus. Namag̱intra ra dayaw tung Dios ang namag̱araning-aningan dang mag̱aning, “Kinaw̱utanita ra ta maktel ang manigpalatay yang bitala yang Dios. Itang mga tauan na, talagang nag̱apalengtanita ra anyang para tukuranita ra anya ta kalibrian ta,” ag̱aaning.

Juan 7:40

Pagkagngel yang duma asan tung keresen-kesen yang mga taung atiang buntun, namansianing da ang, “Talagang ya ra ka man tia yang manigpalatay yang bitala yang Dios ang atiing pinangakuan yang Dios ang maglua.”

Mateo 21:11

Numanyan yang mga taung atiang buntun ang pamagpakigluyug da kang lag̱i tung ni Jesus, ya ray namansituw̱al ang mag̱aning, “Yang taung naa, ya ra ti Jesus mismu ang tag̱a Nazaret duun tung sinakepan yang Galilea. Tanya yang manigpalatay yang bitala yang Dios ang atiing naula nuntukaw ang magkaw̱ut,” mag̱aning.

Lucas 24:19

Mag̱aning ka tanyang nagtimales, “Ayw̱a, unu pay nagkarainabu?” Ag̱aaning ka tanirang nansituw̱al, “Atii w̱a, yang nagkarainabu tung ni Jesus ang tag̱a Nazaret. Tanya sasang manigpalatay yang bitala yang Dios ang bistung pisan yang kagaeman na tung mga pruibang ipinagpalapus na may tung ipinagtulduk nang durug kabuilu. Nauyunan da ngani ta mupia yang Dios, pati yang kadaklan ang mga tau.

Juan 4:18

Sipurki nagpakasawa-kasawaa ra ilem tung lima nga laliian kag yang aruman mu numanyan, apen-apen mu ilem. Talagang matuud ka man yang bitala mung atia.”