Ipinag̱ubligar 7:1 - Tagbanwa Calamian

¹ Pagkatapus tia, may naitaw rang mga angil ang epat ang bilug ang pamagkantu-kantu tung bilug ang kaliw̱utan. Masig̱awid tung epat nga paletan ug̱ud andang pisan ay mag̱eyep tung katanekan ubin tung teeb ubin tung maskin unu pang ayuay.

Ipinag̱ubligar 7:1 Referans Kwoze

Mateo 24:31

Pagkatapus, tung uras ang atia may sasang turumpitang eyepen ta durug tunul ig panuw̱ulunu yang mga angilung mamagliliw̱utun da tung bilug ang kaliw̱utan ug̱ud panagpunun da nira yang tanan ang mga tauanung pinamiliku kang lag̱i ang duun mamanliit tung maskin ay pang kabiw̱init-binitanay yang kaliw̱utan,” mag̱aning.

Marcos 13:27

Dayunaw ra kang manuw̱ul tung mga angil ang mamagliliw̱utun da tung bilug ang kaliw̱utan ug̱ud panagpunun da nira yang tanan ang mga tauanung kumpurming pinagpiliku kang lag̱i ang duun mamanliit tung maskin ay pang kabiw̱init-binitanay yang kaliw̱utan,” mag̱aning.

Ipinag̱ubligar 9:14

Mag̱aning yang busis tung pangyaenem ang angil ang baklung napag̱eyep yang budyung na, “Panguw̱aran mu ra yang epat ngangilan ang yag bew̱egkes duun tung binit yang subang atiang dakulu ang paggug̱uuyan ang Eufrates,” ag̱aaning.

Ipinag̱ubligar 7:3

Mag̱aning tung nira, “Indi mi ra kanay palpasan yang mga palet ang atiang mamagdiadu tung katanekan may tung teeb may tung mga ayu mintras indi pa nag̱amarkaan yamen tung mga kikilayen nira yang mga taung pamagpaturuw̱ulun tung Dios ang ya kay pangag̱alenan ta,” ag̱aaning.

Ipinag̱ubligar 9:4

Pinaglalangan da ka tanira ang indi nira enged diaduen yang mga ilamunun ubin maskin unu pang ayuay, ubin maskin unu pang luakay tung sagpaw yang kaliw̱utan. Suluminting itinug̱ut tung nirang tigbaken, ya ra ilem yang mga tau ang kumpurming indi pinamarkaan yang Dios tung mga kikilayen nira.

Ipinag̱ubligar 6:6

Pagkatapus midyu tung nagngelaw si ta busis ang duun agliliit tung kakngaan yang epat ang atiang nag̱abui ang pagbitala ang mag̱aning, “Kumus may panuw̱uk ang kumaw̱ut tung kaliw̱utan ang puirti-puirti, purisu mag̱abwat dang pisan yang prisiu yang trigu may yang sibada. Purisu yang kinaldaw yang sa nga tauan kung ialang na ta arina yang trigu, duruang pulak ka ilem yang maeklan na. Kung arina ta sibada, enem ang pulak ka ilem yang maeklan na,” mag̱aning. Pagkatapus dayun dang nagkalalangan tung pagsaay ang mag̱aning, “Eey, indi mu ra ilem tandeg̱en yang mga kaoliboan may yang mga kaubasan. Muya pamaalen da ka yang mga pruduktu na,” mag̱aning.

Ipinag̱ubligar 8:7

Numanyan yang primirung angil, ineyepan na ra yang budyung na. Pagkatapus may mga yilung mabiw̱ilug ang diritsyung nagkarabungsad tung katanekan ang nunut da ka ta apuy ang naglalaketan da ka ta dug̱u. Purisu tung tulung parti yang kaliw̱utan, nasiruk da yang sam parti, pati mga ayu na asta mga ilamunun, damay ra kang nagkarasiruk.

Ipinag̱ubligar 20:8

Kung malua ra nganing, mag̱intra si pagpandaya tung tanan ang mga nasyun tung bilug ang kaliw̱utan ang tung dumang kasulatan ya ray paggug̱uuyan ang Gog may Magog. Yang katuyuan na magpasagpun da tung nira ang para mamaningayaw ra tung gira. Yang kinadaramelen nira, maning pa tung kenay ang indi mabilang-bilang.