Ipinag̱ubligar 3:16 - Tagbanwa Calamian

¹⁶ Piru naang pamatuy-patuyamu ra ilem tung yeen, belag̱anamu ra maderep, indiamu ka panalyud, puis yamu maning pa tung pamangan ang belag dang makinit belag da kang malamig ang pisan, kung indi, nangalaw̱ab da ilem ang asan da nag̱ing malasay ra. Purisu nag̱aisipanamu ra yeen ang iplek ang maning pa tung yamu ag̱ibulaayu, yang kalalasayen ming atia tung yeen.

Ipinag̱ubligar 3:16 Referans Kwoze

Ipinag̱ubligar 2:5

Pademdeman ming pademdeman kung ya pa ag̱arig katinlu yang paggeregmaen mi tung yeen atii kanay ang ya ray nalagpakan mi. Ya ra kay dayun ay panlignaan mi yang pagkalagpak ming atia ang pagkatapus yang mga buat-buat ming atiing primiru, ya si ay pakatuan ming usuyun. Ay kung indiamu manligna, pamirisiaanamu ra yeen ay kuatenu ra yang parabdungan yang kaas tung kindengan na asan tung numyu.

Ipinag̱ubligar 3:15

Nag̱askeanu yang mga ubra-ubra mi. Maskin indiamu ka man panalyud tung yeen, piru belag̱anamu ra ka maderep tung pag̱urusuyun mi tung mga kalelyag̱anu. Kisira manalyuramu ra ilem, u kung indi, magpaderepamu ra ilem ta ustu, atii ra rin.

Ipinag̱ubligar 3:17

Ayw̱a indiamu aningenu, kipurki pag̱aningamu ang yamu manggaranen da, maayen da yang pagkarabetangen mi. Anda ray mga kaministiran mi. Piru naa pala andang pisan ay kaliw̱utan mi ang tung pagterelengen yang Dios, duruamug kaalang-alang ig makakaildawamung pisan! Yang kaalimbawaan mi yamu maning pa tung sasang naputu ra, maning pa tung sasang naburayan da, maning pa tung sasang luas.