Ipinag̱ubligar 19:5 - Tagbanwa Calamian

⁵ Pagkatapus may nagngelu sing busis ang asan manliit tung siang bulawan ang mag̱aning, “Pati yamu asan tung katanekan ang kumpurming mga turuw̱ulun yang Dios ang may pag̱eled mi tung anya, magdarayawenamu ra kang tanan tung anyang yay pagpaturuw̱ulunan ta, maskin aranek yang pagkabetang mi maskin abwat,” ag̱aaning.

Ipinag̱ubligar 19:5 Referans Kwoze

Ipinag̱ubligar 7:15

Kapurisu ya ray natengeran na ang tanira tumalungaan da tung siang bulawan ang pag̱akarungan yang Dios ig pamagtuu tung anya kaldaw law̱ii duun tung pagtuuan tung anya, ig yang pagkarung asan ya ray magmanada tung nira ang tanira maning pa tung palandungan na rang pisan.

Ipinag̱ubligar 20:12

Asta yang kadaklan ang mga taung nagkarapatay, naitaw ka. Darakulu kag gereg̱esye, anday nalsik, kung indi, parariung tumalungaan tung pagkarungan na. Numanyan may mga kasulatan ang pinanulw̱ad. Pagkatapus may sam bilug pang sinulw̱ad ka ang ya ra yang listaan yang tanan ang mga taung kumpurming mapagpasapen tung Dios ang asta tung sampang anda enged ay katapus-tapusan. Numanyan pinagsintinsiaan da yang Dios yang mga taung atia. Kumpurming unu pay mga ubra-ubra nira atiing mga bui pa rin ang ya ka man ay isinulat tung mga kasulatan ang atia, ya ray pinatielan yang Dios ang nagsirintinsiaen tung nira sasa may sasa.

Ipinag̱ubligar 16:17

Numanyan yang yapitung angil, ya si kay namukbuk yang pakled yang mangkuk ang ekel na tung pamilat-pilatan yang langit. Pagkatapus may busis ang dakulu ang nagbitala ang liit tung siang bulawan asan tung pagtuuan tung Dios tung langit ang mag̱aning, “Talusun da ka enged yang tanan!” mag̱aning.

Ipinag̱ubligar 13:16

Dispuis pa magpanreg̱es da ka tung tanan ang mga tau maskin mga abwat ta pagkabetang kag aranek man, maskin manggaranen kag maliliwag̱en man, maskin turuw̱ulun kag belag man, ang tanira dapat ang mamagpamarkang luw̱us tung mga kalima nirang tuu u kung indi, tung mga kikilayen nira.