Ipinag̱ubligar 19:16 - Tagbanwa Calamian

¹⁶ Dispuis pa tung aw̱el ang atiang pag̱asuut nang langkuy, asan tung tepeng yang paka na, may aran ang nasulat ang ya taa: “Yang Makagag̱aem Tung Tanan Ang May Mga Kagaeman Maskin Unu Pag Kaabwatay”.

Ipinag̱ubligar 19:16 Referans Kwoze

1 Timoteo 6:15

Anday dumang magpabistu tung anya tung uras ang may tipu na kang lag̱i, kung indi, ya ra yang Ampuan tang Dios. Yay may kasadyaan na kang lag̱ing andang pisan ay pagkakulang na, Ultimu ilem tanyay makagag̱aem tung tanan, Yay may kagaeman tung tanan ang paggaem, Yay may kalalangan tung tanan ang pagkalalangan, Ultimu ilem tanya ang indig suituen ta kamatayen, Yang pag̱atiniran na durung pisan agkasusulaw ang inding pisan malengtan ta tau, Andang pisan ay taung naita tung pirsunal na, Anda kay taung masarang ang mag̱agwantang magteleng tung anya, Purisu magkabag̱ay ang pisan tung pagkadios na ang yay dayawen tang asta tung sampa, Bag̱ay kang pisan tung anyang maggaraemen ang anda enged ang pisan ay katapus-tapusan na. Magkamaningan da ka man tia!

Ipinag̱ubligar 2:17

Purisu kung nainu pay pamamati, kaministiran intindien nira ta mupia kung unu pay nag̱ianing yang Espiritu Santo tung mga tumatalig ang pamagsaragpun-sagpun ang kada sam pundaan. Kung tinu pay indi magpadeeg tung sistimang atiang pangkaliw̱utan, yay pakdulanu yang pag̱aningen ang manang itinaluk. Dispuis pakdulanu ka ta maning pa tung batung kulit ang may aran ang baklu ang isinulat asan ang inding pisan nag̱aske-askean ta tau, kung indi, suluminting makdek asan, ultimu ilem yang pakdulanu. Ya ra ilem tia ay maaningu tung numyu.’”

Mateo 25:40

Pagkatapus yang matuw̱alu tung nira maning taa: ‘Iugtulu tung numyu yang kamatuuran, atiing kada binuatan mi ta mga maning tia yang mga putulung naning pagtalig ka tung yeen, maskin aranek ang pisan ta pagkabetang, katimbang nang yuu ra kay binuatan mi,’ maningaw.