Ipinag̱ubligar 18:4 - Tagbanwa Calamian

⁴ Pagkatapus may nagngelu sing busis ang sam bilug ang liit tung langit ang yay busis yang Dios ang pagbitala ang mag̱aning, “Ala, yamung binuatu rang mga tauanu, magluaamu ra asan tung siudad ang atia ug̱ud indiamu ra maguyuran ang mag̱usuy tung mga kasalanan ang pag̱abuat na. Muya madamayamu pa tung mga sarut ang ipadangatu asan tung anya.

Ipinag̱ubligar 18:4 Referans Kwoze

2 Corinto 6:17

Purisu magkabag̱ay kang ipagpadapatu ra tung numyu yang sasang itinuw̱ul ni Yawi tung mga tauan nang atiing tukaw pang maning taa: “Magpablag̱amu ra tung pagturuuen yang mga kaarumanan mi tung mga ginuu-ginuu nirang belag̱an matuud ang Dios. Pati yang kumpurming unu pay pag̱agamit nira tung pagturuuen nira, likayan mi ra ka ang para asanamu ra nga risibiayung mga tauanu,” mag̱aning.

1 Timoteo 5:22

Kung natetenged tung pagpiar mu tung sasang putul tang magmaepet-epet tung sam pundaan, india ra enged magpakali-kaling magdeen tung anya. Ay muya kung kali-kalien mung deenan ang pagkatapus magbuat da ta kasalanan, asana ra ngaumiray ang nag̱ing kusintidur tung buat na. Pati yawa, mag̱amlig̱a ka ang india ka magbuat ta kasalanan.

2 Juan 1:11

Ay kipurki kung tinu pay magsapet tung nira ta maning tia, katimbang nang pagpakigdamay ra tung pag̱urubraen nirang atiang malain.

Mateo 23:30

Ag̱aningamu ka ang kung yamu natau rang lag̱i tung uras ang atiing bui pa yang mga kinaampu mi, indiamu ra ka rin nagpasanyug tung nira ang nagpangimatay tung mga manigpadapat ang atii.