Ipinag̱ubligar 15:6 - Tagbanwa Calamian

⁶ Asan da namansilua yang pitu ngangilan ang atiang may katengdanan nirang mamagpadalpet tung pitu ka nga sarutan. May pag̱asuut nirang aw̱el ang pag̱aningen ang lino ang durug kalimpiu ig durug kasusulaw ig may aw̱el kang yag baw̱anda tung tinanguni nirang bulawan yang kulay na.

Ipinag̱ubligar 15:6 Referans Kwoze

Ipinag̱ubligar 1:13

Tung kakngaan nira may maninga tau ang yag kekdeng. Yang lambung na langkuy, sadsad da tung kakay na ig may aw̱el ang bulawan yang kulay na ang yag baw̱anda tung tinanguni na.

Ipinag̱ubligar 15:1

Numanyan may naitaw sing sam bilug sing pruiba tung langit ang durung pisan agkabew̱ereng. May pitu ngangilan ang yay may katengdanan ang mamagpadangat tung pitu ka nga sarutan. Yang mga sarut ang naa, ya ra yang pangultimung mga sarut ang asan da nga talusay yang Dios yang pagpaita na yang kasisilag̱en na.

Ipinag̱ubligar 14:15

Pagkatapus may sam bilug sing angil bilang pangyaepat da ang luminua tung pagtuuan tung Dios tung langit. Nagkekendalen da tung yag kakarung tung panganud ang mag̱aning, “Ala, gamiten mu ra unu tiang karit mung magpanggasap ta paray. Kipurki tilingayeg da unu, lutuk da unung pisan yang paray ang garasapen tung bilug ang kaliw̱utan,” ag̱aaning

Lucas 24:4

Numanyan atiing nag̱aliwag̱an da ta durung pamag̱isip kung unu pa kayay linagpakan na, pinainalian dang limput ta durua nga laliian ang pamag̱aw̱el ta durug kasusulaw.

Ipinag̱ubligar 14:17

Pagkatapus may naitaw sing angil ang sam bilug bilang pangyalima ra ang ya si kay luminua duun tung pagtuuan tung Dios tung langit ang may nag̱apegsan na kang karit ang matarem.

Ipinag̱ubligar 19:8

Ay tinugtan da yang Dios ang magsuut ta aw̱el ang matitinlung klasing pag̱aningen ang lino ang durug ka limpiu ig durug kasulaw yang kakulit na,” ag̱aaning. Numanyan ta yeen ang may sulat, may gustuung isaleet. Yang aw̱el ang atiang pag̱aningen ang lino yay kapananglitan yang mga pag̱urubraen ang matadleng ang nag̱ipaeyang ni Jesus tung yaten ang mga tauan na.