Ipinag̱ubligar 12:4 - Tagbanwa Calamian

⁴ Simanyan yang ikuy na ya ray ikinaliweswes na tung yaklung parti yang mga dumakel tung langit ang pagkatapus ya ray gulping ipinabungsad na tung katanekan. Dispuis pa yag tatalunga tung baw̱ay ang atia ang ya rang ya rang mangana, ug̱ud kung maluangan da nganing, panganen na rang lag̱i yang mula.

Ipinag̱ubligar 12:4 Referans Kwoze

Ipinag̱ubligar 12:9

Anday dumang binuat tung dragun ang dakulu, ipinlek da ilem ang ibinugsu tung katanekan, kasiraan da ka tanira yang mga angil ang pag̱apanuw̱ul na. Naang dragun ang naa, anday duma, ya ra mismu yang nagpairaw-iraw atiing primirung pisan atiing pag̱imu yang Dios tung tau.

Juan 8:44

Yamu, anday dumang pinakaama mi, ya ra ti Satanas. Kapurisu gustu ming mag̱usuy tung kalelyag̱an na. Ay ya pa ag̱ari, disti pa atiing primiru, durung kalelyag nang mangimatay tung mga tau. Dispuis andang pisan ay kalalabten na tung kamatuuran ay balaw̱ag kang lag̱i tung isip na. Kung magbukli ra nganing, natural na tia ay buklien kang lag̱i ig ya kang lag̱i ay pinakaama yang tanan ang mga buklien.

Ipinag̱ubligar 9:19

Kinayanan nira tia ay natetenged belag̱an ilem yang mga nganga nira ay nag̱ipagdali nira tung mga tau, kung indi, pati mga ikuy nira ya ka. Ay kipurki yang mga ikuy nira midyu tung iraw ang yang kampus na may kulu na ka ang ya ray nag̱ipangeg̱et nira tung mga taung papinitinsiaan.

Ipinag̱ubligar 9:10

Dispuis may ikuy nirang pariu tung ikuy ta sipitan ang may kilid na ang ya ray nag̱ipanew̱ek nirang nag̱ipagpapinitinsia tung mga taung atia tung seled limang bulan ang atia.

Ipinag̱ubligar 8:7

Numanyan yang primirung angil, ineyepan na ra yang budyung na. Pagkatapus may mga yilung mabiw̱ilug ang diritsyung nagkarabungsad tung katanekan ang nunut da ka ta apuy ang naglalaketan da ka ta dug̱u. Purisu tung tulung parti yang kaliw̱utan, nasiruk da yang sam parti, pati mga ayu na asta mga ilamunun, damay ra kang nagkarasiruk.

1 Pedro 5:8

Pirmiamu ra kang magsuspindi tung mga kalelyag̱an ming sadili ang nunut da ka ta pagpaabtik ming pagbantay ay yang kuntrariu ming ti Satanas pagdilem da ta sasang tumatalig ang para diaduen na yang pagtaralig̱en na. Katulad ang pisan tung sasang liun ang pagngereb ang pagpatiw̱ay-tiw̱ay ang pagdilem ta matekeb nang baktaen.

Ipinag̱ubligar 17:18

Dispuis pa, anday dumang linegdangan yang baw̱ay ang atiang pagpagamit ang naita mu, ya ra yang sasang siudad ang bantug ang yay may gaem tung tanan ang mga adi tung bilug ang kaliw̱utan,” mag̱aning.

Ipinag̱ubligar 8:8

Pagkatapus tia, yang pangyadwang angil, ya si kay nag̱eyep yang budyung na. Pagkaeyep na, may sasang mag̱abukid ang makbu ang pag̱apuy ang ipinlek da tung teeb. Pagkatapus tung tulung parti yang teeb, yang sam parti nag̱imu rang dug̱u.

Ipinag̱ubligar 8:9

Purisu tung tanan ang nag̱abui tung teeb, sam parti ka yang nagkarapatay. Pati yang mga salaayan ang panteeb, sam parti ra ka yang nagkaradiadu.

Ipinag̱ubligar 8:10

Pagkatapus tia, yang pangyaklung angil, ya si kay nag̱eyep yang budyung na. Pagkatapus may dumakel ang durug dakul ang paglig̱arang ang ya ray nataktak ang tumimpa tung yaklung parti yang mga bawang may mga waing tubdun.

Ipinag̱ubligar 8:11

Yang aran yang dumakel ang atia ay “Mapakit”. Purisu pagtepa na tung mga wai, tung tulung parti, yang sam parti nagpakit da. Purisu dakeleng mga taung nagkarapatay natetenged tung waing nagkarainem nirang nagpakit da.

Ipinag̱ubligar 8:12

Pagkatapus tia, yang pangyaepat ang angil, ya si kay nag̱eyep yang budyung na. Pagkatapus may sasang suminakep da tung kaldaw may tung bulan may tung mga dumakel. Yang pinakaw̱ut na, tung tulung parti yang uras ang dati-rating nag̱ipagpasadlaw nira, nagkarabuinan da ta salegsang parti. Bilang tung seled mag̱apun, tung tulung parti yang uras na, yang sam parti makiklep dang pisan ig tung seled magdamal, ya ka.

Ipinag̱ubligar 12:7

Pagkatapus tia, nagkagira ra yang langit. Ti Miguel ang yay sasang angil ang pinakaabwat may yang mga angil ang pag̱apanuw̱ul na, namagpakiglaban da tung dragun ig yang dragun tanya nagbatuk da ka tung nira, kasiraan da ka tanira yang mga angil ang pag̱apanuw̱ul na.

Ipinag̱ubligar 13:2

Dispuis yang ayep ang atiang naitaw anggid tung tigri ang puntuk-puntuk ilem yang kulay na ang yay paggug̱uuyan tung leopardo. Yang kakay yang ayep ang atia durug dakul ang yang ukub na durug tarem ig abubwat ang katulad ka tung sasang ayep ang talunun ang paggug̱uuyan tung oso. Yang nganga na maninga nganga ta liun. Dispuis pinakdulan da yang dragun yang sadiling kagaeman nang durug kapuirsa ang para maggaraemen da tung intirung kaliw̱utan.

Ipinag̱ubligar 13:4

Purisu anday dumang linuaan na, namagtuu ra dayun tung dragun natetenged yay nagpakdul yang kagaeman na tung ayep ang atia. Pati yang ayep tinuuan da ka nira. Ya ra ag̱aningay nirang, “Inding pisan mapasiring-siringan yang ayep ang naa. Andang pisan ay mandeeg tung anya,” mag̱aning.

Ipinag̱ubligar 16:13

Pagkatapus may naitaung tulu nga dimunyuan ang kuari talipaka ang derengan ang nansilua. Yang sam bilug luminua tung nganga yang dragun, yang sam bilug tung nganga yang primirung ayep, yang sam bilug tung nganga yang aruman nang ayep ang pangerengan tung anya ang pulus bukli yang mga bitala na.

Ipinag̱ubligar 20:2

Pagkaw̱ut na, dayun na rang dineep yang dragun ang ya ka man mismu yang nagpairaw-iraw atiing primirung pisan ang pag̱imu yang Dios tung tau, ang yang dumang pag̱ingaran tung anya yay maggug̱uuyan tung Diablu ubin tung ni Satanas. Pagkadeep yang angil, dayun na rang sinaw̱ed-saw̱eran yang kadinang binegkes. Pagkatapus diritsyung ibinugsu na tung bulalut ang pinakaadalem. Dayun na ra kang siniraduan yang purta nang kinandaduan ang pagkatapus kinula na. Dapat duun da magtinir tung seled san liw̱ung takun ug̱ud indi ra malua-lua ang para magpandaya pa rin ang uman tung mga tau tung bilug ang kaliw̱utan mintras indi pa ag̱akumplitu yang san liw̱ung takun ang atia. Piru kung makumplitu ra nganing tia, dapat ang palpasan ka ta gesyeng uras.