Efeso 6:21 - Tagbanwa Calamian

²¹ Buinu, ang para pati yamu maskean mi ra ka kung ya pa ag̱ari yang pagkarabetangenu tani, atia ra ti Tikiko ang pinapag̱ekelu yang sulat ang atia. Ya ray magbaw̱alitaen tung numyu. Tanya sasa kang putul tang nag̱amaalu ta duru ig sasa kang pagpaturuw̱ulun ka tung ni Ginuu tang talagang matalig̱an ta.

Efeso 6:21 Referans Kwoze

Mga Binuat-buatan 20:4

Yang mga taung pinagpilik nang mamagduman tung anya ang para mamansiangay duun tung Jerusalem, ya ra ti Sopater ang ana ni Pirro ang tag̱a Berea, ti Aristarco durua ni Segundo ang tag̱a Tesalonica, ti Gayong atiang sam bilug ang tag̱a Derbe, ti Timoteo, may ti Tikiko durua ni Trofimo ang tag̱a Asia.

2 Timoteo 4:12

Ti Tikiko tanya, tinuw̱ulu rang mangay asan tung Efeso.

Tito 3:12

Tito, nag̱aisipanu ang may ipaangayu asan tung nuyu, patugyanan ilem tung ni Artemas may tung ni Tikiko. Kung kumaw̱ut da nganing asan, ta yawa, mag̱impurtaa rang magpakigbag̱as tung yeen duun tung Nicopolis ay ya ray nag̱aisipanung pagtiniranu ang asta mataklib da yang timpung igbaralyu.

2 Pedro 3:15

Yadwa pa, anday dumang pagpabetang mi tung pagpararurusun ni Ginuu tang indi pa nag̱alkat ang para magsintinsia, kung indi, nag̱apakdulan na yang mga tau ta rugal nira ang basi pa ra ilem matultulan da ka nira yang kalibrian ang pinagtukud na. Maning kang pisan tia yang nasambit tung isinulat ni Pablo tung numyu ang tanya sasa kang putul tang nag̱amaal ta ta duru. Napagsulat da ta maning tia ay natetenged pinawayang dang lag̱i yang Dios yang isip na ang para mamaresmesan na ta maayen yang mga bag̱ay ang atiang ipinasanag na tung numyu.

1 Pedro 5:12

Ti Silas ang sasang putul tang pag̱atelenganung matalig̱anu, ya ray pinapag̱ekelu yang sulat ang atiang diput ka ilem. Pinaeklanamu ra nganing yeen ug̱ud basi pa ra ilem ang asan da nga paktelayu yang mga kinaisipan ming para indiamu ra enged magpaluw̱ay. Kag yadwa pa ug̱ud asanamu ra ka nga paingmatuurayu ang talagang matuud yang tanan ang atiang ipinagpasanag̱u natetenged tung kaneeman ang ipinagpaita yang Dios tung yaten ang asanita ra ka nagkatinir yang kalibrian ta.

Filemon 1:16

Yang tukaw tanya sasang kirepen ilem. Piru simanyan belag da ilem kirepen, kung indi, sasa ra kang putul tang nag̱amaal ta. Kumus talagang durug kamaal tung yeen, kapin pa siguru tung nuyu, ay kipurki belag da ilem kirepen mu, kung indi, magputulamu ra ka natetenged tung pagtalig ming durua tung ni Ginuu ta.

1 Timoteo 4:6

Yang mga bag̱ay ang atiang baklung nag̱asambitu, kung ipasanag mu tung mga kaputulan ta asan, maayen yang pagpaturuw̱ulun mu tung ni Jesu-Cristo. Kayanan mu tia kung pirming paneem-neeman mu yang kamtangan yang kamatuuran ang naang nag̱apananged ta pati yang ipinagtulduku tung nuyung durug tinlu ang ya ra kang lag̱i ay mag̱usuyun mu.

Colosas 1:7

Yang balitang atia ya ra ka man ay naintindian mi tung ni Epapras ang yay nag̱amaal yamen ig kasiraanami ra kang pagpaturuw̱ulun tung ni Jesu-Cristo. Ya kay nag̱atalig̱an nang magpadag̱en-dag̱en tung numyu ang para tung ikaayen mi.

1 Corinto 4:17

Ya ra ka man taang ipinagpangayu tung ni Timoteo asan tung numyu ang para magpademdem tung numyu kung unu pay mga pasaisung pagpagaem tung ni Jesu-Cristo ang ya ra ka man mismu ay nag̱itulduku tung mga tumatalig ang kada sam pundaan tung maskin ay pang banwaay. Dakulu yang pagtalig̱u tung ni Timoteo ay nagkaw̱ig̱enu kang sasang anaung sadili ang nag̱agegmaanu ta duru. Yadwa pa pagpailala ra ang tanya matalig̱an tung kumpurming unu pay nag̱ipatuman ni Ginuu ta tung anya.

Filipos 1:12

Buinu, mga putulu tung ni Ginuu ta, gustuung maintindian mi ang yang mga kaliwag̱an ang naang nag̱apasaranu tani belag̱an ang mag̱aning ang asan da nga sagangay yang Matinlung Balita, kung indi, mas pang nagkatinlu yang palaksu na tani.