Efeso 5:17 - Tagbanwa Calamian

¹⁷ Purisu ya ray nag̱atengeran na ang indiamu enged magbinuin-buin, kung indi, intindien mi ra ta mupia kung unu pay nag̱alelyag̱an yang Dios ang yay tumanen mi.

Efeso 5:17 Referans Kwoze

Roma 12:2

Indiita ra enged magpaguyud tung sistimang pangkaliw̱utan ang yang palaksu na balaw̱ag ang pisan tung kalelyag̱an yang Dios. Kung indi, ipaimaklu tang pirmi tung anya yang mga kinaisipan ta ug̱ud asan da ka magbaklu yang mga ubra-ubra ta ang para asan da ka nga tultulay ta kung unu pay nag̱alelyag̱an na ang yay buaten ta. Bilang asan da ngaskeay ta kung unu pay talagang matinlu ig kung unu pay nag̱auyunan na ig kung unu pay may taw̱ang na ang para masalapayita ra tung pinalanu na tung yaten.

1 Tesalonica 5:18

Maskin unu pay mapanawan mi, luw̱us dang pasalamatan mi tung Dios. Sipurki tia pulus nag̱alelyag̱an na ang yay usuyun mi ekel tung pagpaktel ni Jesu-Cristo tung numyu.

Colosas 1:9

Purisu ya ray natengeran na ang ta yami tani, mag̱impisa pa atiing primirung pagkabalita yamen, muya-muyaamu ra ilem ang nag̱ipag̱ampu yamen tung Ampuan ta. Yang nag̱aingaluk yamen tung anya ang pasanag̱anamu ra anya ta maayen ug̱ud maintindian mi kung unu pay gustu nang yay buaten mi. Bilang pawayangen na ta mupia yang mga kinaisipan mi ang nunut da ka ta pagpatarem na ang para magmaskeamu rang magdeep kung yang nag̱itulduk tung numyu talagang uyun tung kamatuuran u kung belag.

Efeso 5:15

Purisu amlig̱an mi ra ta maayen yang mga pag̱urubraen mi. Indiamu ra magpakbung tung duma ang kiput pa yang isip nira, kung indi, yang mawayang ta kinaisipan ya ray pambungan mi.

1 Pedro 4:2

Tegkaan na, mintras bui pa taa tung kaliw̱utan ang naa, indi na ra panuntan yang mga kalelyag̱an nang dati ang yay nag̱ausuy yang kadaklan, kung indi, yang kalelyag̱an yang Dios ya ray ipalandaw nang usuyun.

Colosas 4:5

Yang pagpakignunut mi tung mga kaarumanan ming indi pa nag̱apagtalig yang mga sadili nira tung ni Jesu-Cristo, gamiten mi yang isip ming mawayang ang magpaita tung nira ta mga matitinlung mga pasais. Kada may lugar, indi mi pataw̱en-taw̱enan, kung indi, atiang lag̱i, buatan mi ra ta matitinlu.

Juan 7:17

Kung tinu pay malelyag ang magtuman yang kalelyag̱an yang Dios, yay magmaske kung yang nag̱itulduku liit tung anya u kung sadiling beet-beetu ilem.