3 Juan 1:6 - Tagbanwa Calamian

⁶ Ay kipurki tanira mismu namagbaw̱alitaen da nganing tung mga kaputulan tang sam pundaan tani kung ya pa ag̱ari yang pagpaita mu yang gegma mu tung nira. Purisu durug tinlu kung ya ray padayunan mu yang pagparadag̱en-dag̱enen mung atia tung mga pagparanawen nirang pamagparakaw̱utun ang katulad ka tung magkabag̱ay ang buaten ta tung kumpurming pagpaturuw̱ulun tung Dios.

3 Juan 1:6 Referans Kwoze

1 Tesalonica 2:12

Ay pirmiaming nagpaktel tung mga isip ming naglinga-linga ig pirmiami kang nagpaprusigir tung numyu ang mag̱usuyamu tung kumpurming magkabag̱ay tung nag̱auyunan yang Dios ang tanya ka man yang nagbeteng tung mga isip ming para tung uri, mapalg̱uramu ra tung paggaraemen na ang asanamu ra nga saliray yang kasusulawen na.

Tito 3:13

Kung natetenged tung ni Zenas ang abugadu durua ni Apolos ang nansiangay ra asan, kung kaw̱utun da nganing yang uras ang ipagliit nira asan, paderepan mung padag̱en-dag̱enan ta maayen tung mga kaministiran nirang mamagsaay ug̱ud indi pangulangen.

Mga Binuat-buatan 15:3

Kapurisu numanyan pinagpadag̱en-dag̱enan da ka nirang sam pundaan ang pinapanaw. Tung pagparanawen nira duun tung sinakepan yang Fenicia may Samaria, namagbaw̱alitaen da tung mga kaputulan nirang mga tumatalig ang kada sam pundaan natetenged tung mga tag̱a duma-rumang nasyun kung ya pa ag̱aring namagsuku rang namagtalig yang mga sadili nira tung ni Ginuung Jesus. Purisu yang tanan ang mga kaputulan ang atiang nagkarabalitaan, pinangampayan da ta kasadyaan nirang duru.

1 Pedro 2:20

Ipabetang ta, may kamali mi ang pagkatapus garutienamu yang ag̱alen mi, basu dayawenamu yang Dios natetenged tung pag̱aragwantaen mi tung kastigung atia? Indi ka! Piru alimbawa, kung magbuatamu ta matinlu ang pagkatapus garutienamu pa ka enged yang ag̱alen mi, piru mag̱agwantaen mi ka enged tung matinlung kinaisipan, atia, ya ray sasang mauyunan yang Dios ta maayen tung numyu.

Colosas 1:10

Maning tia yang nag̱ipag̱ampu yamen ug̱ud yang tanan ang mga pag̱urubraen mi magkabag̱ay ra tung pagterelengen ni Ginuu ta ang para luw̱us da kang mauyunan na. Bilang mapagpaluaamu ra ta sari-saring pag̱urubraen ang matitinlu ig mas pang maispirinsiaan mi kung unu pag katinlu yang kaampiran ming atiang baklu tung Dios.

Filipos 4:14

Ug̱aring maskin belag̱an ka man begbeg yang kuluu tung mga kaministiranu, piru durung pisan agkatinlu yang pagpaawat ming nagpakiunung tung yeen tung mga kaliwag̱anu ang yuu ra paeklay mi ta taw̱ang.

2 Corinto 1:16

Ay yang planuu rin, tung pagdistinuu duun tung Macedonia, lambirenamu ra kanay yeen. Utru si kung magliitaw ra nganing tung Macedonia, asanaw si kanay magbalik tung numyu. Ay tung maning tia may lugar ming magpadag̱en-dag̱en tung yeen tung pagsaraayenung manganing duun tung Judea.

Mga Binuat-buatan 21:5

Numanyan pagkaw̱ut yang uras ang ipaglarga si yamen, dayunami rang nagliit ang para magpadayunami ra yang biai yamen. Inaterami ra nirang tanan duun tung lua yang siudad, pati mga kasawa nira asta mga ana nira, namagpakignunut da ka. Kumaw̱utami tung bakayan, nagluurami rang tanan ang nag̱ampu.

3 Juan 1:12

Kung natetenged tung ni Demetriong atiang pinapag̱ekelu yang sulat ang atia, tanya nag̱akegngan yang tanan ang mga kaputulan ta tani ig pati yang kamatuuran mismu, kung mapagbitala ilem, magkereng da ka tung anya ang yang mga pasais na talagang uyun tung pitik na. Pati yami enged, pagkerengami ka tung anya ig nag̱askean mu ra ka ang kung unu pay nag̱ipagpaingmatuud yamen natetenged tung sasang tau, talagang matalig̱an mung matuud.