2 Corinto 8:12 - Tagbanwa Calamian

¹² Kipurki kung durung kalelyag ming magpakdul, kumpurming unu pay masarangan ming ipakdul, ya ra kay risibien yang Dios. Indiamu ka elatan nang magpakdul ta indi mi masarangan.

2 Corinto 8:12 Referans Kwoze

2 Corinto 9:7

Purisu sasa may sasa tung yaten, masigpakdul yang kumpurming pinagtimbang-timbang na ra kang lag̱i tung isip na ang ya ray ipakdul na. Indi ra ilem magpakdul ang ya rag panganugunay na yang nag̱ipakdul na ubin midyu tung nag̱aregsanan da ilem. Kipurki yang nag̱auyunan enged yang Dios ya ra yang taung durug kasadya yang isip nang pagpakdul.

1 Pedro 4:10

Kumpurming unu pang abilidaray ang ipinaeyang yang Dios tung numyu sasa may sasa, ya ray gamiten ming magtaraw̱ang-taw̱angan. Yang dapat ang maita tung numyung paggamit ang yamu maayen ang mga taralig̱an yang Dios ang magpapanaw tung mga abilidad ang atiang sari-saring ipinampaeyang na tung numyu.

Lucas 16:10

Kipurki yang taung matalig̱an, maskin tung gesye ilem ang bag̱ay, maski tung dakulu, puidi kang matalig̱an. Piru yang taung indi nganing matalig̱an maskin tung gesye ilem ang bag̱ay, maskin tung dakulu, indi ra ka enged matalig̱an.

2 Corinto 8:11

Ug̱aring numaan, idayun mi yang pagturuw̱urun ming atia ang asta makumplitu mi ra enged ug̱ud kung ya pa ag̱ari yang kadererepen ming nag̱impisa, ya kay kadererepen ming magtapus ang kumpurming masarangan mi numaan.

2 Corinto 8:13

Belag̱an ang mag̱aning ang yang duma palakanenu ang pagkatapus yamu ray palbatanu. Kung indi, kumus yamu asan aw̱unda simanyan, magkatama ka ang taw̱angan mi yang mga kaputulan tang nag̱aliwag̱an da. Atia, tung dumang uras ang yamu si ay pagkaliwag ig taniray aw̱unda, taw̱anganamu ra ka nira. Tung maning tiang papanaw, pariu-pariuamung magtaraw̱ang-taw̱angan ang kumpurming tinu pay nag̱aliwag̱an.

2 Corinto 8:19

Belag̱an ilem maning tia yang pasais na, kung indi, tanya ra ka nganing ay pinagkeresenan yang kada sam pundaan ang pinabilug̱an ang para ya ray ipanunut nira tung yeen tung pag̱erekelenu tung nag̱itaw̱ang ang naa ang asan da nga padengeg̱ay ta ti Ginuu ta ig asan da ka nga bistu ang ta yaten, duru ka man agkadakul yang kalelyag tang magtaw̱ang tung mga kaputulan ta.

Mateo 25:17

Maning ka tia yang binuat yang turuw̱ulun ang atiang sam bilug ang piniaran na ta duruang liw̱u. Yang pinakaw̱ut na durua kang liw̱u yang umintu na.

Mateo 25:22

Pagkatapus yang sam bilug sing atiing piniaran na ta duruang liw̱u, ya si ay nagpalenget tung ag̱alen nang mag̱aning, ‘Ameey, duruang liw̱u yang ipiniar mu tung yeen. Ia, pati yang durua kang liw̱ung tubu na, atia ra ka.’