2 Corinto 5:8 - Tagbanwa Calamian

⁸ Ya ra ka man taang nag̱ipag̱aningu ang maktel ka enged ang pirmi yang isipu, ig kung papilikenaw, mas matinlu ang butwananu ra ilem yang maning pa tung balay ang pag̱atiniranu taa ug̱ud duunaw ra mapagpasapen tung ni Ginuu ta.

2 Corinto 5:8 Referans Kwoze

2 Corinto 5:6

Kapurisu kumus maning da ka man tia yang maispirinsiaan ta, ta yeen, maskin unu pay mapanawanu, maktel ka enged ang pirmi yang isipu. Ay nag̱askeanu ang mintras taawaw pag pagtinir tung maning pa tung balay ang naang ya ra taang tinanguniu, tay andanaw pa ka duun tung pag̱atiniran ni Ginuu ta.

1 Juan 3:2

Mga putulung nag̱amaalu ta duru, yang pagkabetang ta numaan, mga anaita ra ka man yang Dios. Ug̱aring kung unu pay kaalimbawaan yang mabtangan ta tung uri, indi na pa nag̱ipabunayag tung yaten yang tanan ang kamtangan na. Nag̱askean ta ilem ang kung maglekat da nganing ti Ginuung Jesus ang magpabistu, mag̱atuita rang pisan tung anya ay natetenged tung uras ang atia, mabilug̱an ta rang pisan yang pirsunal na.

Juan 14:3

Kung duunaw ra, masimpananamu ra ka yeen ta mga puistu mi, magbalikaw ra ka taang mag̱ekel tung numyu ug̱ud kung ariaw pa, ay duunamu ka.

2 Corinto 5:9

Purisu mintras taawaw pag pagtinir, yang pag̱asikarung lusu enged tung tanan ang yuu mauyunanaw anya tung tanan ang pag̱abuatu ang katulad ka kung duunaw ra nganing tung anyang atuaw rang pisan tung anya.

Ipinag̱ubligar 22:3

Andang pisan ay maeyang yang maskin unu pang malainay tung siudad ang atia ay pelek da yang pinaglainan yang dating kaliw̱utan. Asan ka yang siang bulawan ang pagkarungan yang Dios durua yang pag̱aningen ang Karniru ig yang mga turuw̱ulun na mamagtuu tung anya ig mabilug̱an dang pisan nira yang ityura na ig yang aran na asan tung mga kikilayen nira.

Mga Binuat-buatan 21:13

Mag̱aning ka ti Pablong nagtimales, “Baa tia? Ayw̱a, unu ray gustu ming ianing? Papanluluw̱ayenaw ra numyu tung pagtarangiten ming atia? Ay ta yeen, simpanaw rang mag̱agwanta, maskin begkesenaw nira, maskin imatayenaw pa nganing nira duun tung Jerusalem arangan da ilem tung ni Ginuung Jesus ang pag̱akegnganu,” mag̱aning.

Juan 17:24

Ama, yang mga taung naang ipinagtalig mu tung yeen, gustuu ang kung ariaw pa, ay duun ka tanira tung teparu ug̱ud mabilug̱an da nira yang kasusulawenu atiing dating ipinakdul mu tung yeen natetenged tung gegma mu tung yeen atiing indi pa nag̱aimu yang kaliw̱utan.

Lucas 2:29

“Numanyan Yawi, ta yeen ang sasang turuw̱ulun mu, maskin tugtanaw ra nuyung pablag da ay malimeng da yang isipu. Tutal kindengan mu ra yang pangaku mu tung yeen.

Mateo 25:23

Mag̱aning ka yang ag̱alen nang minles tung anya, ‘Maayen! Talagang yaway sasang baling turuw̱ulun ig katalig̱an. Kumus pagpailalaa rang maskin gesyeng kantidad matalig̱ana, purisu numanyan piarana si ka yeen ta mas dakulung kantidad. Magpalg̱ura ra ka tung kasadyaanung naa.’

Mateo 25:21

Mag̱aning ka yang ag̱alen nang minles, ‘Maayen! Talagang yaway sasang baling turuw̱ulun ig katalig̱an. Kumus pagpailalaa rang maskin gesyeng kantidad matalig̱ana, purisu numanyan piarana si ka yeen ta mas dakulung kantidad. Magpalg̱ura ra tung kasadyaanung naa.’

Juan 12:26

Kapurisu kung tinu pa tung numyu ay malelyag ang yuuy magkalalangan tung anya, dapat dang magpakiunung tung yeen ug̱ud yang kumpurming mapanawanu ya ra kay mapanawan na. Kung tinu pay magpakiunung tung yeen ang magpalalang, ya ray padengeg̱an ni Ama,” mag̱aning.