1 Pedro 5:7 - Tagbanwa Calamian

⁷ Tung maning taa yang pagparanek mi tung anya. Yang tanan ang lebat yang nag̱apaliw̱eg̱an da rin ta mga kulu mi, luw̱us dang ipasakan mi tung anya natetenged tanya, kung unu pay nag̱asinti mi, ya kay nag̱asinti nang nag̱apakigdamayan.

1 Pedro 5:7 Referans Kwoze

Filipos 4:6

Indiamu enged magpakaliw̱eg ta kulu, kung indi, maskin unu pay mapanawan mi, ipag̱ampu mi ra ilem tung Dios. Iugtul mi ra ilem tung anya kung unu pay kaministiran mi ang nunut da ka ta pagpasalamat mi tung anya natetenged tung itaw̱ang na tung numyu.

Lucas 12:22

Numanyan dayun dang nanalunga ti Jesus tung mga taung atiang nag̱apangugyatan nang nagsugpat yang bitala na. Mag̱aning tung nira, “Purisu ya man taang nag̱ipag̱aningu tung numyu, ang indiamu enged magpakabegbeg ta kulu natetenged tung pagpangabui mi, kung ariamu pa mangkel ta mapangan mi, u kung ya pa ag̱ari yamu mangkel ta aw̱el ang masuut mi tung mga tinanguni mi.

Marcos 4:38

Ti Jesus duun tung buli ag̱elken da ang yang kulu na ya kag kukulun tung kukulunan. Atii, dayun da nirang pinuaw ang inaning, “Ameey, anda tung kulu mu yang pagkabetang tang magkaralemesita ra taa?” ag̱aaning.

Juan 10:13

Ay ya pa ag̱ari, tanya pagpasuul ilem. Anday panganugun na tung mga karniru.

Mateo 6:27

Abir, tinu pa w̱asu asan tung numyu ay sarang ang mapagpalagway tung kabui na ta maskin sang uras da ilem ekel tung pagpakabegbeg na tung kulu na?

Mateo 6:28

“Dispuis ayw̱a nag̱apabegbeg̱an mi ta mga kulu mi yang mga aw̱el ang kaministiran mi? Telengan mi ra ilem yang mga talay ang atia tung paliw̱ut ta. Indi ka tanira pamagpakabedlay ang pamagpangabui, indi ka pamagbuat ta mga aw̱el nira tung tiral.

Mateo 6:31

Purisu indiamu ra magpakaliw̱eg ta mga kulu mi kung ariamu pa w̱asu mangkel ta mapangan mi u kung ariamu pa w̱asu maita ta matinlung mainem mi u kung ariamu pa w̱asu mangkel ta ablen mi.

Lucas 12:26

Kapurisu kung indi mi nganing kayanan yang gesyeng bag̱ay ang atiang sang uras ilem, ya pa yang dumang bag̱ay ang pabegbeg̱an mi pa?