1 Pedro 4:8 - Tagbanwa Calamian

⁸ Landaw tung tanan ipadegte mi enged yang paggeregmaan ming magpurutul kipurki kung maggeregmaanamu ra ta maning tia, mapagparatawaranamu ra, maskin durung mga kasalanan ang nagkarabuat mi sasa may sasa.

1 Pedro 4:8 Referans Kwoze

Colosas 3:14

Landaw ra tung tanan ang maggeregmaanamu ta ustu ay kipurki kung maggeregmaanamu, asanamu ra magberegkes-begkesan ta maelet.

1 Pedro 1:22

Natetenged tung pagparanangeren mi tung kamatuuran, asan dag limpiuay mi yang mga kinaisipan mi ang yang luluaan na paggeregmaanamu rang magpurutul ang belag̱an tung patunu-tunu ilem. Purisu kaministiran ang ya ray ipadegte mi pa ka enged ang tedek ang pisan tung mga pupusukun mi.

Santiago 5:20

Ay yang demdemen mi, kung tinu pay magpabalik tung sasang putul nang nagpakasalak ang para indi ra magpadayun tung nag̱atalangan na, katimbang nang asan da ngaipalibriay na yang aruman na tung kalainan, bilang tung pagpablag na ra rin tung Dios. Maskin durung kasalanan ang nagkarabuat na, punasen da yang Dios ang luw̱us. Ya ra ilem tia ay masulatu tung numyu, Santiago

1 Corinto 13:1

Maskin pang may ikayaung magbitala tung dumang bitala ang indi nag̱aintindianu maskin bitala ta mga tau taa tung kaliw̱utan ang naa, maskin bitala ta mga angil duun tung langit, piru kung anda ka ilem ay paggegmaw tung mga masigkatauu, yang pamitalaung maning tia, andang pisan ay kapulutan na. Katimbang nang sasa ka ilem ang ginla ang katulad ka tung mga turugtug̱an ang yag patikay ubin yag papagsantikay.

1 Tesalonica 3:12

Kung natetenged tung numyu, nag̱ipag̱ampuamu ra ka yamen ang taw̱anganamu ra ni Ginuung Jesus ang mas pang ya rag durulang agdurulang yang paggeregmaan ming magpurutul pati yang gegma mi tung kadaklan ang mga masigkatau mi ang katulad ka tung gegma yamen tung numyu ang ya ra kag durulang agdurulang.

Mga Hebreo 13:1

Idayun ta ra yang paggeregmaan tang magpurutul tung ni Ginuung Jesus.

1 Timoteo 1:5

Yang pag̱asikarung nagtuw̱ul tung nuyung magpasanag̱a tung mga manigtulduk ang atia ay ug̱ud imbis magsurug̱aan da yang pamamati tung nira, indi ra. Kung indi, asan da ngaeyangay ta paggeregmaan nirang magpurutul. Ang para maggeregmaan tanira ta ustu, kaministiran ang bilug̱un da nira yang mga isip nira tung nag̱auyunan yang Dios ang indi magtenakan, mag̱amlig kang indi enged magbuat ta nag̱askean nirang kuntra tung kalelyag̱an na, ig tedek ka tung mga isip nira yang pagtaralig̱en nira tung ni Ginuung Jesus.

2 Tesalonica 1:3

Mga kaputulan, indi maimu ang indiami magpasalamat tung Dios ta muya-muya natetenged tung numyu. Magkabag̱ay ka tia ay natetenged mas pagbaked yang pagtaralig̱en mi tung ni Ginuung Jesus pati yang paggeregmaan ming sasa may sasa ya ra kag durulang agdurulang.

3 Juan 1:2

Ungkuy, yang nag̱ipag̱ampuu tung Dios para tung nuyu ang padag̱en-dag̱enana ra anyang pirmi tung tanan ang pag̱urubraen mu pati paninanguni mu ang pirmi ka tung maayen ang katulad ka tung pagtaralig̱en mu tung anyang nag̱abalitaanung maayen ka.

Santiago 5:12

Simanyan, mga putulu, yang ianingung naa, ya enged ay tandaan mi. Kung unu pay ianing ta tung aruman tang tau, indi ta enged pagpanuntan ta panumpa. Indiita manumpa tung tanek may langit ubin tung unu pa man ang bag̱ayay. Ang indi, kung ee, ay ee ra ilem. U kung indi man, ay indi ra ilem ug̱ud indiita ra pakusalaken yang Dios.

1 Corinto 13:4

Maning taa yang ug̱ali yang sasang taung may paggegma nang matuud tung mga aruman na. Tanya mapinaurayen, mainildawen, belag̱an kang mainiw̱eg̱en, belag̱an kang mapinalandawen, belag̱an kang sayud yang ug̱ali na, belag̱an kang madinemten.