Piru simanyan pinaluasamu ra yang Dios ang indiamu ra suituen yang dating kalelyag̱an ming magpakasalak ig nagpagaemamu ra ka tung anyang tanya si ay maning pa tung pagpakirepenan mi. Purisu simanyan yang pinakaw̱ut na tung numyu, pag̱atu rang pag̱atu yang mga ubra-ubra mi tung nag̱auyunan yang Dios ig tung uri magsarapenanamu ra yang Dios ang anda enged ang pisan ay katapus-tapusan na.
1 Pedro 1:9 - Tagbanwa Calamian9 Agsadyaanamu ra ta duru ay kipurki agtapnayenamu ra yang Dios ekel tung pagtaralig̱en mi tung ni Jesu-Cristo. Gade chapit la |
1 Pedro 1:9
4 Referans Kwoze
Purisu maskin unu pang malalawayay, ipamlek ta rang luw̱us. Asta yang maskin unu pang malalainay ang naanaran tang tukaw, lipaten ta ra kang tanan. Pakdulan ta ta lugar yang bitala yang Dios ang nunut da ka ta pagparanek ta tung anyang magpatulduk ang para rumabung da ka enged yang kamatuuran ang ilinuak na tung mga isip ta. Ay ekel tung builu na tung mga isip ta, asanita ra nga libriay na tung pagpakasalak ta.
Yang sam pamilyang naang nagkarasambitu, ikinagmatay ra ilem nira yang pagtaralig̱en nira tung Dios. Maskin indi pa nagkarapakdulan na yang pinangakuan na tung nira, piru midyu tung nakinaw-kinaw rang lag̱i nirang ikinasadya ta duru. Aminadu ra ka nganing tanira ang maning pa tung mga dayuan ka ilem ang pamagpalag̱u-lag̱u duun tung banwang atiing tininiran nira.
Yang mga angil ang atii, ya ra yang namagbatuk tung Dios atiing tukaw pang timpu pa ni Noe atiing durung pagparurus yang Dios ang pag̱elat tung mga tau ang basi pa ra ilem mamanligna ra tung mga ubra-ubra nirang atiing durung pisan agkalalain. Ya ray uras ang nag̱ipagbuat pa na Noe yang arka ang atiing tapus da, ya ray sinaayan ta pira pa ilem ang bilug ang para mangalibri tung palempan, bilang walu ilem nga tauan.
Piblisite