1 Juan 5:2 - Tagbanwa Calamian

² Maning taa masiguru ta kung nag̱apaggegmaita rang matuud tung mga aruman tang inana ra ka yang Dios kung yang Dios ya ray nag̱agegmaan ta ig yang nag̱ipanuw̱ul na tung yaten ya ra kay nag̱atuman ta.

1 Juan 5:2 Referans Kwoze

1 Juan 2:5

Piru kung tinu pay pagtuman yang nag̱ipanuw̱ul yang Dios tung anya, asan da ta tau ang yang apiktar yang gegma yang Dios tung anya nasalapay ra tung intinsiun na. Maning taa masiguru ta ang pagpakigkapulitita ra tung anyang matuud. Kung tinu pay pag̱aning ang tanya pagpakigkapulit da tung Dios, dapat ang yang mga ug̱ali na atu tung mga ug̱ali ni Ginuung Jesus atiing taa pa rin tung kaliw̱utan ang naa.

1 Juan 4:21

Ya taa yang katuw̱ulan ang ipinakdul na tung yaten ang ita maggegma tung anya ig maggegmaita ra ka tung sasang putul ta tung ni Ginuu ta.

Juan 15:17

Kapurisu yang nag̱ituw̱ulu enged tung numyu ay maggeregmaanamu.

1 Juan 2:3

Tung maning taang palaksu masiguru ta ra ang ita talagang pagrinampilayita rang matuud yang Dios ekel tung pagturumanen ta yang nag̱ipanuw̱ul na tung yaten.

1 Juan 3:14

Ay ta yaten, nag̱askean ta ra ang naliitita ra tung dating panalugpatay ta tung Dios ig nalakerita ra ka tung pagkamaderep tang magtuman yang kalelyag̱an na gated simanyan nag̱apaggegmaita ra tung mga putul ta tung ni Ginuu ta. Piru kung tinu pay indi nag̱apaggegma tung mga putul na tung ni Ginuu ta, indi pa nag̱aliit tung dating panalugpatay na tung Dios.