1 Juan 4:20 - Tagbanwa Calamian

²⁰ Kung tinu pay pag̱aning ang tanya paggegma tung Dios ang pagkatapus pagdemet tung sasang putul nang tumatalig, buklien tanya. Kipurki kung tinu pay indi nganing paggegma tung sasang putul nang yag dawalay na, talagang indi ka enged maimu ang yang Dios ang indi na nganing nag̱aita ya pay magegmaan na.

1 Juan 4:20 Referans Kwoze

1 Juan 3:17

Piru kung may sam bilug tung yaten ang may kaya ang pagkatapus nag̱adipara na yang sasang putul na tung ni Ginuu tang nag̱aliwag̱an da ta duru tung pagpangabui na, piru indi na ra ka ildawan, ya pa ag̱aring aningen ta pa ang tanya paggegma ra tung Dios?

1 Juan 2:9

Purisu kung tinu pay pag̱aning ang tanya unu pag̱usuy tung masadlaw ang pagkatapus pagdemet tung sasang putul na tung ni Ginuu ta, yang taung atia, indi pa ka enged nag̱aliit tung makiklep ang asta ra ilem simanyan.

1 Juan 4:12

Maskin andang pisan ay taung naita tung pirsunal yang Dios, piru kung paggeregmaanitang magpurutul, ilyag nang ianing, nag̱asaliranita ra yang Dios yang pagpangabui na ig yang apiktar yang gegma na tung yaten nasalapay ra tung intinsiun na.

1 Juan 2:4

Kung tinu pay pag̱aning ang pagrinampilay ra tanira yang Dios ang pagkatapus indi ka nag̱apagtuman yang nag̱ipanuw̱ul na tung anya, buklien da tanya ig indi pa nag̱adultan yang kamatuuran ang ipinagpabunayag yang Dios.

1 Juan 2:11

Kung tinu pay pagdemet tung sasang putul na tung ni Ginuu ta, yang taung atia tung makiklep pa. Maning pa tung pagdereb da ilem tung makiklep. Indi na ilem nag̱askean yang panalungaan nang malain. Ay kipurki yang makiklep ang atiang pag̱atiniran na, ya ray namuray tung isip na.

1 Pedro 1:8

Tanya maskin indi kang lag̱ing sinakep ta mga mata mi, piru nag̱agegmaan mi ra ka enged. Maskin indi mi pa nganing nag̱aita numanyan, piru nag̱atalig̱an mi ra ka enged ig magsadyaanamu ra ka ta duru ang yang kasadyaan ming atia nag̱aliwag̱anamu ra nganing ang mapabag̱ayan ta bitala ig magkaanggid-anggid da tung kasadyaan ang sintien mi tung uri kung malg̱uramu ra nganing tung kasusulawen ni Ginuu ta.

1 Juan 1:6

Ig disir, kung mag̱aningita ang matinlu yang pagpakignunut ta tung Dios ang pagkatapus pag̱usuyita tung makiklep, ita ra ka ilem agpagbukli ig indiita ra ka pag̱usuy tung kamatuuran.

Juan 13:35

Kung maggeregmaanamu ra ta maning tia, asan da ngaintindiay yang kadaklan ang mga tau ang yamu talagang mga tauanung pag̱usuy ra tung yeen,” mag̱aning.

1 Juan 1:8

Piru kung mag̱aningita ang anday kasalanan ang binuat ta, yang sadili ta mismu ya ray nag̱aluku ta ig indiita pa nag̱adultan yang kamatuuran ang ipinagpabunayag yang Dios.