1 Corinto 9:4 - Tagbanwa Calamian

⁴ Ayw̱a, anda kay rasunung magpasuitu tung mga kaputulan? Kung tung bag̱ay, maskin yuu, may rasunu ka rin ang magpasuitu tung mga kaputulan.

1 Corinto 9:4 Referans Kwoze

1 Tesalonica 2:6

Indiami ka nagsikad ang padengeg̱anami ta mga tau, maskin yamu maskin tinu pa ag̱ad pa kung sinikad ilem yamen yang katengdanan yamen ang yami mga apustul ka man ni Jesu-Cristo, puidiami ra ka rin ang nagkalalangan tung numyu. Piru duruamig kaamumu atiing asanami pa tung numyu. Napakbungami ra nganing tung sasang talaana ang durug kainasikasuen tung mga ana na.

Lucas 10:7

Dispuis pa, kung ariamu pang balayay patakwalay, ay duunamu ra ilem magdayun ang mag̱ineteg. Ang papaanenamu ra nganing nira, mamanganamu ra ilem ang anday dalenden mi. Ay yang sasang manigparakaw̱utun, bag̱ay kang asikasuen tung mga kaministiran na ang yay maning pa tung suul na. Indiamu ilem maglakted-lakted tung duma-rumang balay.

1 Tesalonica 2:9

Mga kaputulan, siguru nag̱ademdeman mi ra ka ang belag̱an ilem gesye yang bedlay yamen ang nagtrabaw asan. Sipurki law̱iig kaldaw yang pandilem yamen yang pagpangabui yamen basta indiami ilem mapagpalbat tung numyu. Ya ra ilem ibalakyang-balakyangay yamen yang pagparakaw̱utun yamen tung numyu yang Matinlung Balitang naang liit tung Dios.

Galacia 6:6

Ug̱aring kumpurming tinu pay pagpatulduk tung sasang maayen ang magtulduk natetenged tung kamatuuran, kung unu pay sarang ang mabuluntad na tung aruman nang atiang pagpapirdi tung uras na, magkabag̱ay ang pisan ang ya ray buaten na.

Mga Binuat-buatan 20:33

Atiing taanaw pa tung numyu anday naiw̱eg̱anung tau maskin tung kuarta na maskin tung pag̱araw̱elen nang matitinlu.

1 Corinto 9:3

Buinu, ya ra taa yang nag̱ipanuw̱alu tung kumpurming pagdiskumpiar tung yeen ang yuu unu belag̱anaw matuud ang apustul ni Ginuung Jesus.