1 Corinto 9:14 - Tagbanwa Calamian

¹⁴ Maning ka tia yang palaksu yang tuyun ni Ginuu ta natetenged tung mga manigparakaw̱utun yang Matinlung Balita ang magkabag̱ay ang duun tung pagparakaw̱utun nira nga pangkelay nira yang mga kaministiran nira.

1 Corinto 9:14 Referans Kwoze

Galacia 6:6

Ug̱aring kumpurming tinu pay pagpatulduk tung sasang maayen ang magtulduk natetenged tung kamatuuran, kung unu pay sarang ang mabuluntad na tung aruman nang atiang pagpapirdi tung uras na, magkabag̱ay ang pisan ang ya ray buaten na.

1 Corinto 9:4

Ayw̱a, anda kay rasunung magpasuitu tung mga kaputulan? Kung tung bag̱ay, maskin yuu, may rasunu ka rin ang magpasuitu tung mga kaputulan.

Lucas 10:7

Dispuis pa, kung ariamu pang balayay patakwalay, ay duunamu ra ilem magdayun ang mag̱ineteg. Ang papaanenamu ra nganing nira, mamanganamu ra ilem ang anday dalenden mi. Ay yang sasang manigparakaw̱utun, bag̱ay kang asikasuen tung mga kaministiran na ang yay maning pa tung suul na. Indiamu ilem maglakted-lakted tung duma-rumang balay.

Lucas 10:8

Dispuis kung ariamu pang lansanganay nga distinu, kung risibienamu nira, kumpurmi ilem yang ipapaan nira tung numyu, ya ray pasalamatan ming risibien.

Mga Binuat-buatan 18:3

Pagkatapus duun da ka nagdayun tung nira. Nagbarakasan da tanira dayun tung trabaw natetenged tanira parariu ka ta pangitang mga manigtiik ta mga tarapal.

1 Corinto 4:15

Yang ipagkeba-keba yang dedlaanu ta duru tung numyu ay maskin liniw̱u-liw̱u pa yang pagturuldukanen tung numyu, piru belag̱an dakele yang maning pa tung ama mi, kung indi, sam bilug ilem. Ay ta yeen, yuu ray nagyaring maning pa tung ama mi gated atiing pagpalikeru yang Matinlung Balita asan tung numyu, pinaktelaw ni Jesu-Cristong nagpainunuku tung numyu ang asta napagtalig̱amu ra yang mga sadili mi tung anyang nagpatapnay.

1 Corinto 9:11

Katulad ka tung yamen, yang kaalimbawaan yamen, maning pa tung mga manigtakbul ta binik ang anday dumang itinakbul yamen asan tung numyu ya ra yang Matinlung Balita. Numanyan ang may pruduktu na ra yang pinakabedlayan yamen, belag̱an magkabag̱ay w̱asu ang yami maning pa tung mangayeg̱ami kang magpasuitu tung numyu?

1 Corinto 9:12

Kung yang duma ngani may rasun nirang magpasuitu tung numyu, belag yami mas pang may rasun? Piru maskin nag̱apangatadlenganaw ra ta maning tia, indiami ra ka enged pagsikad yang rasun yamen ang atia. Kung indi, pag̱agwantaami ra ilem tung tanan ang mga kaliwag̱an ug̱ud andang pisan ay maita tung yamen ang sarang mapadatelan ta duma may ruma ang muya ya ray pag̱enteran yang mga isip nirang mag̱intindi tung Matinlung Balita natetenged tung ni Jesu-Cristo.

1 Corinto 9:16

Ay kipurki kung tung pagparakaw̱utunu ilem, anday mapatielanung ipagpabantug asan ay tia belag̱an sadiling patakaranu, kung indi, sasang ubligasyun ang ipinasakan da yang Dios tung yeen. Dakulu yang panuw̱alanu tung Dios kung alimbawa pabaya-w̱ayaanu ra ilem yang ubligasyunung naa ang indiaw ra magpakaw̱ut yang Matinlung Balita.

2 Corinto 2:12

Numanyan atiing pagkaw̱utu duun tung Troas ang para magparakaw̱utunaw ra yang Matinlung Balita natetenged tung ni Jesu-Cristo tung mga tau duun, pinakdulanaw anya ta lugarung matinlu ang para maubraw tii.

1 Tesalonica 1:5

Yay nag̱asiguru yamen ay kipurki atiing pagpakaw̱ut yamen tung numyu yang Matinlung Balita, belag̱an ilem sasang balita ka ilem ang nagngel mi, kung indi, balitang may builu nang maktel ekel tung Espiritu Santong nagpaugtun. Asanami ra ka nganing ngaeyangay ta kasiguruan yamen ang yang bitalang atiing ipinagngel yamen tung numyu talagang ipinadlut yang Dios ta maayen tung mga isip mi. Talagang maning tia yang apiktar na ay kipurki naskean mi ra ka kung unu pay mga pasais yamen ang nagparakaw̱utun tung numyu ang pulus tung ikaayen mi.