1 Corinto 6:16 - Tagbanwa Calamian

¹⁶ Ayw̱a, indi mi ra nag̱ademdeman ang kung tinu pay magpakiapen tung sasang baw̱ay ang pagpagamit, duun da tanira magsasaan ta tinanguni may tinanguni? Kipurki maski tung kasulatan nganing nabtang da kang lag̱i ang yang durua unu mag̱ing sa nga tinangunian da ilem tanira.

1 Corinto 6:16 Referans Kwoze

Efeso 5:31

Ibaliku ra kanay tung pagkarasawaen yang duruang magkasawa. May sasang bitalang napabtang tung kasulatan ang maning taa yang palaksu na: “Ya ra kay natengeran na ang kung mangasawa ra nganing yang sasang lalii, magpablag da tung ni tatay na may tung ni nanay na ang para magpakiunung da tung kasawa na ang pagkatapus tanirang durua, mag̱ing sa nga tinangunian da ilem,” mag̱aning.

Mga Hebreo 11:31

Dispuis pati ti Rahab ang yay sasang baw̱ay ang tag̱a duun ang yang nag̱ipangita na ra rin pagpagamit yang sadili na, ekel tung pagtalig na tung matuud ang Dios, indi ra naumid tung kalainan ang nalambeg̱an yang kadaklan ang mga masigkasiudad nang namagpasuag tung Dios. Ay ipinabistu na yang pagtaralig̱en na tung Dios ekel tung pag̱arasikasuen na ta matinlu tung mga tiktik ang pinanuw̱ul ni Josue.

1 Corinto 6:3

Ayw̱a, indi mi ka nag̱akdekan ang pati yang mga angil, ya ra kay ipabista na tung yaten tung uri? Ya pa yang mga kasu-kasung atiang nag̱adapat ilem tung pagpangabui mi taa tung kaliw̱utan ang naa indi mi pa w̱asu masarangan ang arigluen?