1 Corinto 5:6 - Tagbanwa Calamian

⁶ Kaduma ka tiang pagpabug̱al ming yamu mga matataku ra. Ayw̱a, indi mi nag̱askean ang yang pagpakasalak yang sam bilug makali rang tagbaken ta mansa yang intirung sam pundaan mi? Katulad da ilem tung pampaleskag ang maskin gesye ilem ang malaket, sarangan nang paleskag̱en yang intirung sang masang arina.

1 Corinto 5:6 Referans Kwoze

Santiago 4:16

Piru ay pa w̱a? Maning da tiang paniguruamu rang lag̱ing pagpaambug tung mga sarili mi kung unu pay pakaw̱utun yang pagkabetang mi! Yang tanan ang pagparaambug̱un ta maning tia durung pisan agkalain tung pagteleng yang Dios.

Galacia 5:9

Muya yang nag̱itulduk nirang atia manulad da tung pampaleskag ang maskin gesye ilem ang ilaket, piru kung tumagmak da nganing, nag̱apaleskag na yang intirung sang masang arina.

1 Corinto 15:33

Ustu ra tiang pagpadaya mi tung belag̱an matuud. Pamaridengdengan mi ta mupia yang sasang bitala ta mga mamaepet ang kung magpakigbarkadaita unu tung mga taung mga malain, pati ita unung matinlu ka rin ta ug̱ali, asanita ra ka unu nga saliray ta malain ang kinaisipan.

1 Corinto 5:2

Ang pagkatapus ta numyu, sigi ra ilem yang pagdakul yang mga kulu mi, ag̱ad may sasang nainabu asan tung grupu mi ang maning tiag kalalaway. Belag bang dapat da rin ang yang bag̱ay ang atia ya ikapungaway mi ang pagkatapus yang aruman ming atiang pagbuat yang maning tia, ya ra rin ay ipapaw̱ig̱ay mi tung pagpurutulan mi?

Mateo 13:33

Pagkatapus may sam bilug sing pananglit ang ipinagngel ni Jesus ang mag̱aning, “Yang kaalimbawaan yang palaksu yang paggaraemen yang Dios ang naang baklu, maning pa tung pampaleskag ang ilinaket ta sasang baw̱ay tung sang palangganang arina ang pag̱abuat nang tinapay ang asta pinaleskag na yang intirung pag̱amasa na,” ag̱aaning.

2 Timoteo 2:17

Kag yadwa pa, yang nag̱itulduk yang duma tung mga tau, may apiktar na tung pamamati ay maning pa tung bakukang ang sigi ra ilem yang pagkabkab na. Katulad da asan tung nag̱itulduk ni Himeneo durua ni Fileto.

1 Corinto 3:21

Kapurisu, kumus maning da ka man tia yang pagterelengen yang Dios tung pagkamataku yang mga tau, ayw̱at magpabantug̱amu pa tung sasang manigparakaw̱utun ang maning mas mataku kay tung kadaklan? Kipurki maskin tinu pa tung nira, parariu ra ka ilem ang nag̱ipakdul yang Dios tung numyung magtaw̱ang, mag̱ing yuung ti Pablo, mag̱ing ti Apolos man, mag̱ing ti Pedro man. Pati yang bilug ang kaliw̱utan pa, maskin yang kalayunan mi may yang kamatayen mi, asta yang pagkarainabu numanyan may yang magkarainabu tung panalungaan, luw̱us dang ag̱ipakdul yang Dios para tung ikaayen mi.

Lucas 13:21

Puiding ipananglit ta tung pampaleskag ang ilinaket yang sasang baw̱ay tung sang palangganang arina ang pag̱abuat nang tinapay ang asta pinaleskag na yang intirung pag̱amasa na,” ag̱aaning.

Roma 6:16

Nag̱aintindian mi ka ang kung alimbawa mag̱intrigaamu ra yang sadili mi tung sasang tau ang para magpakirepenamu ra tung anya, kumpurming tinu pang ag̱alenay ang nag̱apananged mi ay kirepenamu ra anya. Kung ilakteru ra yang pananglit ang atia tung pagkabetang mi, kung yang dating kalelyag̱an ming magpakasalak ya ray nag̱apangag̱alenan mi ang para tumanen mi yang kalalangan na, anday dumang pakaw̱utun na, asanamu ra nga pablag tung Dios. Piru kung yang Dios ya ray nag̱apangag̱alenan mi simanyan ang para tumanen mi yang kalelyag̱an na, yang luluaan na, mapagbuatamu ra yang magkatamang pagburuaten.