1 Corinto 4:3 - Tagbanwa Calamian

³ Para tung yeen, gesyeng bag̱ay ka ilem kung nag̱asintinsiaanaw ra numyu ang indiaw matalig̱an sigun tung pagkaapustulu, kipurki yang pitik ang nag̱agamit mi pitik ka ilem ta tau. Indiaw ngani pagsintinsia tung sadiliu.

1 Corinto 4:3 Referans Kwoze

1 Corinto 2:15

Piru yang taung nag̱atiniran da yang Espiritu Santo, ya ray sarang ang magpasadsad kung unu pay nag̱adapatan yang kumpurming nag̱ipasanag yang Espiritu Santo tung anya natetenged tung kalibrian na. Piru yang tau mismung atia, kung tag̱aman ang santiaren yang mga aruman nang indi nag̱atiniran yang Espiritu Santo, indi ra enged mamaresmesan nira kung unu pay palaksu yang pag̱irisipen na pati mga ubra-ubra nang nangimaklu ra.

Juan 7:24

Ustu ra tiang pagpabetang mi tung sasang tau natetenged tung nag̱alaum mi ilem tung anya, kung indi, dapat asan da ipausuyay mi yang pagpabetang mi tung pitik ang magkatamang gamiten,” mag̱aning duun ti Jesus.

1 Corinto 3:13

Sasa may sasa tung nira mabistu ra kung yang ipiniar yang Dios tung anya ingkelan na tung matinlung pag̱urubraen u kung ingkelan na tung belag matinlu. Ay malw̱awan da ka enged tung uras ang ipanginsapu ni Ginuu tang Jesu-Cristo tung mga inubra tang mga tauan na. Kipurki yang panginsapu na tung mga inubra ta, nag̱ipananglit tung sasang apuy ang pumasar ang asan da nga pruibaay kung unu pag kabaked yang inubra yang sasa may sasa.

1 Corinto 4:2

Dispuis yang sasang taung piniaran, yang dapat ang ipaita na ang tanya talagang matalig̱an yang nagpiar tung anya.

1 Corinto 4:4

Kung tung bag̱ay, indiaug basulun yang sadiling painu-inuu, piru belag̱an ang mag̱aning ang asanaw ra magluang limpiu. Ultimu ra ilem ti Ginuu ang yay nagpiar tung yeen yay sarang ang manginsapu tung yeen kung yuu sasang matalig̱an na u kung indi.