1 Corinto 2:16 - Tagbanwa Calamian

¹⁶ Yang indi nira ipagmaresmes tung anya ay katulad ang pisan tung sasang nabtang tung kasulatan ang anda unung pisan ay taung nag̱aintindi kung unu pay palaksu yang pag̱irisipen ni Yawi. Anda unung pisan ay mapagsugpat tung anya. Piru ta yaten ang kumpurming nag̱atiniran da yang Espiritu Santo, nag̱aintindian ta ra kung unu pay palaksu yang pag̱irisipen ni Jesu-Cristong nag̱ipasanag tung yaten yang Espiritu Santo.

1 Corinto 2:16 Referans Kwoze

Roma 11:34

Uyun ang pisan tia tung mga bitalang napabtang tung kasulatan ang mag̱aning, “Andang pisan ay taung nag̱asangkad yang tanan ang palaksu yang pag̱irisipen ni Yawi. Anda kay taung mapagsugpat tung anya kung unu pay maayen ang buaten na.

Juan 15:15

Numanyan indiamu ra nag̱ipabtangung mga turuw̱ulunu ay natetenged yang sasang turuw̱ulun anday kaliw̱utan na kung unu pay nag̱aplanu yang ag̱alen na. Kung indi, ta yamu, ag̱aningenamu ra nganing yeen ang mga ungkuyu natetenged yang kumpurming nagngelu tung ni Ama, luw̱us dang ipinagpakdeku tung numyu.

1 Corinto 12:8

Kipurki telengan mi. Ekel tung pag̱urubraen yang Espiritu Santo tung sasang tumatalig nag̱apakdulan yang Dios ta kaya nang magpadapat ta bitalang pagwayangan ta isip. Ig yang sam bilug ka nag̱apakdulan na ta kaya nang magpasanag ta makaliliway tung mga kaarumanan na sigun tung tamang pag̱irintindien tung kamatuuran ekel ka mismu tung pag̱urubraen yang Espiritu Santo tung anya.