1 Corinto 16:18 - Tagbanwa Calamian

¹⁸ Agsadyaanaw ra ka ay kipurki napalinaynayan da nira yang isipu ang may pinaglingtan na ra rin natetenged tung numyu. Pati yang mga isip mi siguru nalinaynayan da ka tung pagpaangay mi tung nira tani tung yeen. Purisu dapat mi kang ilalaen ta mupiang galangen yang mga putul ming mga maning tia yang mga pasais nirang pamanirbian.

1 Corinto 16:18 Referans Kwoze

Filemon 1:7

Magkabag̱ay ang maning tia yang nag̱ipag̱ampuu para tung nuyu, putulu, ay pagkagngelu yang balitang atia, inampayanaw ra ta kasadyaanung duru ig asan da ka kumintel yang isipu natetenged ka man tung gegmang atiang nag̱ipagpaita mu tung mga kaputulan ta. Ay natetenged unu tung nuyu, putulu, namagkatinir da ka unu ta ketel yang mga isip yang mga kaarumanan mu asan ang binuat da ka yang Dios ang mga tauan na.

2 Corinto 7:13

Purisu duun da nalinga-linga yang isipu ang maning da ka man tia yang pinakaw̱ut yang isinulatu. Dispuis belag̱an ilem ang kumintel da yang isipu, kung indi, pagkaitaw tung ni Tito ang duru rag sadya yang isip na, mas pa ka enged ang nagkasadya yang isipu. Yang ikinasadya yang isip na ay natetenged tung numyung tanan asan ang naglinga-linga tung isip nang begbeg da ka rin natetenged tung numyu.

1 Tesalonica 5:12

Simanyan, mga kaputulan, yang nag̱aingaluk yamen tung numyu, galangen mi ra ta ustu yang mga aruman ming pamagpakabedlay asan tung numyung sam pundaan. Kipurki tanira ka man ay pamagpadag̱en-dag̱en tung numyu natetenged tung pag̱urusuyun mi tung ikadengeg ni Ginuu ta ig kung kaisan ya kay pamagpaaman tung numyu.

Colosas 4:8

Yang katuyuanu enged ang nagpangay tung anya asan ay ug̱ud maintindian na ra kung ya pa ag̱ari yang pagkarabetangen mi asan ang nunut da ka ta pagpaktel na tung mga isip mi.

Roma 15:32

Maning tia yang ipag̱ampu mi para tung yeen ay ug̱ud kung yay kalelyag̱an yang Dios tung yeen, paangayenaw ra ka enged anya asan ang tung masadyang kinaisipan ig asan da ka kemtel ta mupia yang isipu natetenged tung pagrarampilan tang magpurutul.

3 Juan 1:4

Anda ray magdeeg ta ikasadya yang isipu ang mabalitaanaw ra nganing natetenged tung maning tung numyung agkaw̱ig̱enung mga anaw ang yang mga pasais mi asan tung kamatuuran nag̱ipaatuay mi.

Filemon 1:20

Purisu, putulu, maimu ilem, paitaay ka ta sasang pag̱alinaynayan ta isipu sigun tung putul tang atia arangan da ilem tung pagtaralig̱en tang naang durua tung ni Ginuu ta ang katulad ka tung pag̱abuat mu tung dumang mga putul tang mga tumatalig asan.

Mga Hebreo 13:7

Pademdeman mi kang pirmi yang mga namagmangulu tung numyung sam pundaan ang tukaw ang ya ra kay namagparakaw̱utun tung numyu yang bitalang ipinagpiar yang Dios tung nira. Pamaridengdengan mi ta maayen yang pinakaw̱ut yang pagpangabui nirang matinlu ang asta ikinagmatay ra ilem nira ig yang pagtaralig̱en nirang atiing mabaked tung ni Jesus, ya ra kay dapat ang pasuaran mi.