1 Corinto 14:22 - Tagbanwa Calamian

²² Purisu asan da ngaintindiay ta ang yang katuyuan yang pagbitala tung dumang bitalang indi nag̱aintindian, belag̱an ang mag̱aning ang yay pruiba para tung mga taung pamagtalig tung Dios, kung indi, para tung mga taung anday pagtalig nira tung anya. Piru yang pagparadapaten ta sasang bitalang ya ag̱ipaeyangay yang Dios tung isip ta, yang katuyuan na enged tia, belag da ka rin para tung belag̱an mga tumatalig, kung indi, para tung mga tumatalig.

1 Corinto 14:22 Referans Kwoze

Marcos 16:17

Dispuis yang kumpurming nagtalig tung yeen, paktelenu ra ang para mapagpalapus ta mga pruibang makabew̱ereng ang mga maning taa. Mapagpalayas tung mga dimunyu ekel tung katengdanan ang ipakdulu tung nira. Mapagbitala ka tung dumang mga bitalang indi pinag̱aralan nira. Kung alimbawa mapges tung mga iraw ubin mainem ta may laket nang lasun, indi ra maunu pa. Kung deenan nira yang may mga laru, asan da ka magmaayen,” mag̱aning.

1 Timoteo 1:9

Nag̱askean ta ka ang yang rumbu nira enged belag̱an tung mga taung pamag̱usuy ra tung kalelyag̱an yang Dios. Kung indi, ipinakdul na tung yaten ang para ipasanag ta tung mga taung malinampasen ang basi pa ra ilem asan da nga malamaray nira ang tanira alawid tung Dios. Pariu ra asan tung mga taung indi ra kang lag̱i pag̱intindi tung mga katuw̱ulan. Asan da ka ta baliwala ka ilem tung isip nira yang kumpurming unu pay nag̱adapat tung Dios, asan da ka ta mga taung anday pag̱eled nira tung Dios, kung indi, masadya ka enged tung isip nirang magpakasalak tung anya, asan da ka ta anday pagmaal na tung nag̱amaal yang Dios ang pulus pangkaliw̱utanen ka ilem yang nag̱apagamenan nira ta mga isip nira, asan da ka ta mga taung pangimatay tung sadiling tatay nira mismu ubin tung sadiling nanay nira mismu ubin tung mga masigkatau nira, asan da ka ta pangumbaw̱ay ubin pangunlalii ubin pagpangrangga tung pagkadarala yang mga darala, asan da ka ta mga taung pangasawa-kasawa tung aruman nirang lalii, asan da ka ta mga taung pagpamiag tung mga masigkatau nirang para ipaalang da nira tung duma ang ipakirepen, asan da ka ta mga taung buklien ang maskin magsumpa tung katalungaan yang Dios may yang mga usgadu, pagbukli ka enged, asan da ka ta mga taung pagbuat ta maskin unu pang ubra-ubraay ang balaw̱ag tung tamang nag̱itulduk.

1 Corinto 14:1

Kapurisu yang sikaren mi enged ang yamu pirming maggeregmaan ta ustu. Paderepan mi ra ka yang mga abilidad ang atiang nag̱ipakdul yang Espiritu Santo, kapin da enged ang yamu paeyangan na ta abilidad ming magpadapat ta sasang bitalang ya ag̱ipaeyangay na tung mga isip mi.

Lucas 12:46

Pagkatapus numanyan inaling kaw̱utan yang ag̱alen na tung uras ang inding pisan nabantay ang andang pisan ay laum-laum nang kumaw̱ut da. Anday dumang buaten yang ag̱alen na tung anya, kastiguen nang anday kategkaan na. Duun da ipaugpuay na tung mga taung belag̱an kang katalig̱an.