1 Corinto 13:10 - Tagbanwa Calamian

¹⁰ Piru kung kumaw̱ut da nganing yang uras ang ipagpalua yang Dios yang kumplitung pisan, kung unu pay may pagkakulang na, mapareng da ka ilem.

1 Corinto 13:10 Referans Kwoze

1 Corinto 13:12

Maning kang pisan tia ay kaalimbawaan yang nag̱askean ta natetenged tung pagkadios yang Dios simanyan ay maning pa ilem tung ulung ang malaw̱uk-law̱uk ang telengan tung ispiu. Piru tung uri may uras kang kaw̱utun ang mag̱eremetanita ra ka enged yang Dios. Purisu maskin may pagkakulang pa ka man yang nag̱askean ta natetenged tung pagkadios na numanyan, piru tung uri, makumplitu rang pisan tia ang katulad ka tung pagkakumplitu yang nag̱askean na simanyan natetenged tung pagkatau ta ang andang pisan ay pagkakulang na.

1 Corinto 13:9

Ay ya pa ag̱ari, maskin pang duru rang nag̱aintindian ta, may pagkakulang na pa ka enged. Pati yang kumpurming nag̱ipagpadapat ta tung mga kaarumanan ta.

1 Corinto 13:11

Pariu tung yeen. Atiing mulaw pa, yang pamitalaw may yang palaksu yang pag̱irisipenu may yang pag̱irintindienu pulus may pagkamula na. Piru atiing namalamaraw ra, binutwanu ra yang sistimaung atiing may pagkamula na.

Filipos 3:12

Indiaw ka pag̱aning ang nag̱atuaw rang pisan tung ni Jesu-Cristo ang maning timlataw ra tung tanan ang mga pag̱urubraenu, kung indi, ya pay pag̱asikarung nag̱imurasen natetenged ya ra kang lag̱i ay ipinagpilik na tung yeen.