Tito 1:13 - Mi Namani Tino

¹³ Ine mi nama a tuktuk. Io, ke nama ta ngas ngeisngeis sien va e ta oeng matagie, terengien va kegi vodovodon tuktuk ta mang tsorubeit kalei.

Tito 1:13 Referans Kwoze

Tito 2:2

E ta ngas oeng sibu komois va gi ta ngas vuor vakalaie kegi sar lalaron, gi ta ngas tino ngan mi sinavei ian ta oit nia suvuon mi minangarei, ma gi ta ngas vuor vakalaie kegi sar tino. Gi ta ngas suvuon mi banga vodovodon tuktuk. Gi ta ngas totoiv. Ma gi ta ngas onvidit.

1 Timote 5:20

Egie ese gi ta ko tsana mi sinavei tsokor, e ta ngas nasara gie i matan mi lobaram, terengien va bu mei mene gi ta mang poro malan va mi namani venengeng.

Tito 2:15

E ta ngas vavasengei ngan ine bu kepineits. E ta ngas vakotsie gie mi kulou nge nasara gie ngan mi nama ngeisngeis. Kian va e ta sunuir va ka mene ta purusie no.

2 Timote 4:2

E ta ngas vavatei ngan mi namanien e Raban. Rorois nia vavatei ngan misasien ka kientsep ta mon o, kap. Vodusie kegi sar tino mi kulou. Patsarie gie surie kegi sar sinavei tsokor nge vakotsie gie ngan mi sinavei nia onvidit ma mi namani vinavanou.

2 Korinto 13:10

Arie mi vunan o vavataor rakot senga sien o ngas mon i pek, terengien va o ta kap mang me aor rarap veie nga sien va o ta me vodusie mi sinavinga ngan mi duis mi Nguts ta nga terie seou nia vangasie nga ma kap va nia vatsarerie nga.

1 Timote 4:6

Sien va e ta vakokoit vasangan ine bu kepineits sibu kasigiet, evoi mi banga ka ni tsientsang se Karisito Iesu simi vunan e te to leong ngan bu nama ian ta vabatie mi vodovodon tuktuk ma mi banga vinasengei e tate nga vemusurie.

1 Timote 1:10

Ma giet telekiran buer va mi vinuor arie niagie mi kulou simi tetteririv, mi kulou gi ta tsanatsana mi sinavei nia tabakou, mi kulou gi ta ko raok pure bu mei nia verikuil ngan nge lakep, ma mi kulou poutspouts bit nge vokokotie mi binit i matan mi vinuor. Ma giet telekiran buer va mi vinuor arie niagie mi kulou gi ko tsana bu suada kepineits gi ta suereren mi vinasengei tuktuk ian ta toun meie mi Banga Vinavatei e Raban ta nga terie i naparimoung. Ine mi Banga Vinavatei a kuvu se Raban ese ta vunan mi nires ma a tsiroup.