Pilippoi 4:9 - Mi Namani Tino

⁹ Ma misa nga tate tovtov ngan nge suvuon ma misa nga tate rongomie nge pare seou, nga ta pupua ine bu kepineits, ma e Raban nian mi molu ta mon meie nga.

Pilippoi 4:9 Referans Kwoze

Iakobo 1:22

Kian va nga ta bitie nga kesenga ngan mi sinavei nia rongomie mo ine mi nama, eiekesen nga ta ngas puapua misa ta pevien.

Pilippoi 3:17

Bu kasiung, nga ta ngas vemusurie mi vinisiung nge deng surie gie ese gi ta tino vemusurie mi rosar gei tate nga vasangan senga.

2 Petro 1:10

Io, bu kasiung, nga ta ngas vengeis nia vara tuktuk ngan va enga bu meinmenien mi kulou ese e Raban tate nga kukuogie nge vile gie. Sien va nga ta tsana malan ine, nga ta kap oit nia kor.

Ioanes 13:17

Io, nga te telekiran ine, ma mi nires leong ta mon senga sien va nga ta tovtov ngan.

Pilippoi 4:7

Io, ken molu e Raban ian ta tsiroup simi teletelekirei simi kulou, ta tuir karie bu aronga ma bu vinavinadodonga simi vunan enga se Karisito Iesu.

Roma 16:20

Puk lili mo, mi Raban simi molu ta voguersan e Satan i pakien bu naparikamenga. Mi tentoiv si magiet Nguts e Iesu ta mon meie nga.

2 Korinto 13:11

Bu kasiung, ine arie kong nama vekvekitip. Nga res. Nga tsorubeit pitak. Nga vangasie nga ververkis. Nga tino ngan mi aor kes ma mi molu. Ma man Raban mi tentoiv ma mi molu ta mon meie nga.

Luka 6:46

“Surie misa nga vuotongie iou va, ‘Mi Nguts, mi Nguts,’ ma nga kap tsana misa o ta pengan?

Mataio 28:20

Ma nga ta vasangan segie nia vemusurie bu kepineits kokouk o tate nga oeng ngeisngeis ngan senga. Ma a tuktuk rovoriu, o ta mon meie nga tuir oit si man ra vekvekitip mi mangmagoso enaenamon.”

Mataio 7:21

“Kap va egie kokouk gi ta ko pevien seou va ‘mi Nguts, mi Nguts,’ gi ta so rubukien si ken mangmagoso Nguts e Raban, eiekesen egie ese gi ta ko vemusurie ken lalaron e Tamoung die i kur simi rangit, gi ta so rubukien.

2 Tesalonika 3:4

Gei suvu vodovodon tuktuk simi Nguts va nga te tsana ma nga ta vor ve tsanatsana bu kepineits ian gei tate nga vokokotie senga.

1 Tesalonika 1:6

Nga te nga pupua kegei tino ma mi tino simi Nguts. Misasien bu vinekikin ngeisngeis, nga nga resmatan mi Banga Vinavatei ngan mi nires simi Moromoruo Tamat.

1 Tesalonika 5:23

A kalei man Raban mi molu ta tsana va nga ta tsorubeit tamat rovoriu ma ta per ngan mi morumoruanga, ma mi vinavinadodonga ma mi kurikuringa va nga ta mang ketseketseng sorvekenan bu suada bienebeir oit si ken minuer magiet Nguts e Iesu Karisito.

Roma 15:33

Man Raban mi molu ta mon meie nga kokouk. Amen.

Ioanes 2:5

E kinan a nga oeng sibu petspets, “Nga tsana mo misa ta oeng ngan senga.”

Luka 8:21

A nga kuil nama, “Mi kulou gi ta rongomie mi namanien e Raban nge vemusurie, arie egie bu kinoung ma bu kasiung.”

1 Tesalonika 2:14

Bu kasiung, bu vinekikin nga ta nga suoeie a toun meie bu vinekikin mi kuoluon e Raban i Iudea gi ta nga suoeie surie kegi vodovodon tuktuk se Karisito Iesu. Nga te suvu vinekikin kovuni ngas te si kenga sar nama kes, malan egie gi tate nga suvu vinekikin kovuni sibu Iuda.

1 Korinto 10:31

Io, sien va nga ta ngou o, nga ta un o, misana kepineits nga ta tsana, nga tsana mo nian man matvinavaso e Raban.

Aposol 9:6

Ine, tsuok tamtuir nge veis rakot simi taon. Ian en, gi ta pengan sevoi misa e ta tsana.”

2 Timote 4:22

O no va mi Nguts ta mon meie mi morumorua ma mi tentoiv ta mon meie nga.

1 Korinto 14:33

Simi vunan e Raban a kap va mi Raban simi sinavei nia tsolavole eiekesen nian mi molu. Sibu vona rengeir kokouk simi kuoluon e Raban,

Ioanes 15:14

Enga bu polopoloung sien va nga ta vemusurie kong sar nama ngeisngeis.

1 Ioanes 3:22

Ma giet poro seie mi sana kepineits giet ta nongie ngan, simi vunan giet vemusurie ken sar vuna vinuor ma giet tsana bu sinavei eie ta resen.

Mataio 1:23

“Mi vevien vour ese ta kap ngas telekire ka, ta tian nge kava ka natu madar tamat, ma gi ta vuotongie ngan e Immanuel”, man vuevue va “E Raban a mon meie giet.”

1 Korinto 4:16

Io, o nongie nga va nga ta ngas vemusurie mi vinisiung.