Marko 8:29 - Mi Namani Tino

²⁹ Ma a nga vereie gie, “Ma enga vasa? Nga pevien va eou ese?” E Petro a nga kuil nama, “Evoi mi Messia.”

Marko 8:29 Referans Kwoze

1 Ioanes 4:15

Sien va eie ese va ta vakokoit katsep ngan mi aron va e Iesu eie e Natuon e Raban, e Raban a tino seie ma eie a tino se Raban.

1 Ioanes 5:1

Eie ese ta vodovodon tuktuk va e Iesu Eie mi Karisito, eie e natuon e Raban. Ma eie ese ta tovie e Raban a ko tovie buer e Natuon.

Ioanes 11:27

E Mata a nga oeng sien, “Io, mi Nguts. O vodovodon tuktuk va evoi mi Messia, e Natuon e Raban, ese gi ta nga pevien va ta nga nemei simi mangmagoso enaenamon.”

Luka 9:20

E Iesu a nga vosuoreie gie, “Ma enga vasa? Nga pevien va eou ese?” E Petro a nga kuil nama, “Evoi mi Messia se Raban.”

Aposol 9:20

Ma a nga vakaek nge vavatei surie e Iesu sibu vona rengeir sibu Iuda va e Iesu eie e Natuon e Raban.

Ioanes 4:42

Ma gi nga pevien ian simi vevien, “Ine, gei te vodovodon tuktuk simi vunan egei kesegei gei te rongomie e Iesu, kap va surie mi sana e ta nga pengan segei. A tuktuk, eie man Ka ni vavato mi mangmagoso enaenamon.”

1 Petro 2:7

Io, senga ese nga ta vodovodon tuktuk, ine mi vunavout a mata tietienengei eiekesen segie ese gi ta kap vodovodon tuktuk, ine mi vunavout a mat sasavoir segie. Ine mi vinakokoit a kokouk malan mi sa mi Pakpak leong ta pevien; “Mi vunavout bu ka tsangtsang vonuo gi ta nga purusie, a te tsorubeit mi vunavout mogos nia sorokie mi vonuo,”

Ioanes 6:69

Gei vodovodon tuktuk nge telekiran va evoi ken Ka Tamat e Raban.”

Aposol 8:36

Sien guor ta nga vor ve sosoer simi rosar, guor nga beit simi da ma mi muomuo leong a nga pevien, “Pare, mi da ine. Misa a tuir biritie iou va o ta kap por sinusuruiv?”

Marko 4:11

E Iesu a nga oeng segie ven ne, “E Raban a te nga terie senga mi sinavei nia telekiran bu kepineits mumuningei surie ken mangmagoso Nguts e Raban. Eiekesen bu kepineits kokouk o vokokotie sibu nama puppuo segie ian kap va kong kulou.

Ioanes 6:68

E Simon Petro a nga kuil nama sien, “Mi Nguts! Gei ta ba rakot se ese? Evoi e suvuon bu nama simi tino rovoriu.