Marko 4:41 - Mi Namani Tino

⁴¹ Gi nga motou beitsak ma gi nga vevirei nge gie keskes, “Ese ine? Misasien buer mi mour ma bu peiv gi rorong sien!”

Marko 4:41 Referans Kwoze

Luka 8:25

Ma a nga vereie ken sar madar tovtov, “Iva kenga vodovodon tuktuk?” Gi nga motou nge kudier tsak ma gi nga vevuor i kinorutugie malan ne, “Mi sana suada ka ine? Misasien mi mour ma bu peiv, a oeng ngeisngeis segie ma gi rorong sien.”

Mataio 8:27

Egie kokouk gi nga kudier tsak nge pevien, “Mi sana suada mei ine? Misasien mi mour ma bu peiv, gi tor surie ken nama!”

Puek Vasangan 15:4

Mi Nguts, a kap ka mene va ta kap mangara no, ma a kap ka mene va ta kap tsuok terie i kur mi asa. Simi vunan evoi kese mo e tamat. Bu vuna enamon kokouk gi ta nemei nge rengeir rakot sevoi, simi vunan bu tsinatsanga ian ta dokei, gi te tsorubeit vasvas.”

Marko 5:33

Samo ine mi vevien ta nga tobelie a nga telekiran mi sana kepineits ta nga tsorubeit sien. A nga nemei nge me sege pukupukukaek i kamen ma a nga dedeir ngan mi mientou nge pengan se Iesu mi tuktuk.

Iburu 12:28

Surie e Raban tate sunuir va giet ta mon i aron ken mangmagoso Nguts ian ta kap oit nia moruor, giet ta ngas vuot kalei rovoriu se Raban nge rengeir simi rosar ian va ta resen meie mi minangarei ma mi mientou,

Luka 4:36

Mi kulou kokouk gi nga kudier tsak nge vevirei nge gie, “Mi sana suada nama ine? Ine mi ka a tuturei ngan mi duis ma mi ngeisngeis sibu tsaka moromoruo ma gi rovotsour!”

Mataio 14:32

Sien guor ta nga ka simi galeu, mi mour a nga voto.

Marko 7:37

Mi kulou gi nga kudier tsak ma gi nga pevien, “Eie a te tsang vititirie bu kepineits kokouk. A tsana buer va mi pi ta rorong ma mi ngong ta vakokoit.”

Marko 4:40

A nga oeng si ken sar madar tovtov, “Surie misa nga ta motou? Vasa, nga kap ngas suvu vodovodon tuktuk?”

Marko 5:1

Gi nga soer kitipie mi barateis i Galili rakot simi korot leong i Gerasa.